POP 5

Lajmet më të lexuara të 5 minutave të fundit

Politikë

Armët kimike, Reuters: Darka
Rama-Arvizu 4 ditë para refuzimit

Në mbrëmjen e të hënës, më 11 nëntor, Ambasadori i SHBA-ve u takua me kryeministrin dhe me ministrin e tij të jashtëm në një vilë qeveritare në kryeqytet. (Ne foto: Rama, Meta, Arvizu, Kodheli disa ditë para vendimit)
Ja makineria e asgjësimit të armëve
VD/Shqiptarja.com, fotot ekskluzive
Armët kimike, Reuters: Darka<br />Rama-Arvizu 4 ditë para refuzimit
LONDER- Në mbrëmjen e të hënës, më 11 nëntor, Ambasadori i SHBA-ve në Tiranë Alexander Arvizu u takua me kryeministrin Edi Rama dhe me ministrin e tij të jashtëm në një vilë qeveritare në kryeqytet.

Lajmi qe publikuar se një nder i qe kërkuar nga SHBA, dhe se një zemërim i paprecedent po rritej vetëm dy muaj pas marrjes së pushtetit nga Rama.

Uashingtoni kërkonte që Shqipëria, një aleat i NATO-s me 2.8 milionë banorë, të pranonte shkatërrimin e 1,300 tonëve të agjentëve nervorë të Sirisë sipas një plani të rënë dakord me Rusinë për t’i eliminuar ato nga lufta Civile e Sirisë. Shqipëria qe një zgjedhje e dukshme.

E cilësuar si ‘shteti i 51-ë’, republika e varfër në Adriatik është bindshëm pro-Amerikane dhe qe vendi i parë në botë që eliminoi armët e veta kimike të epokës komuniste më 2007, me ndihmën e Uashingtonit dhe një faturë prej 48 milionë USD. Duke u përballur me një afat limit në 15 nëntor për të finalizuar planin, Arvizu dhe Rama folën deri në orën 1 të mëngjesit.

Ditën tjetër, qindra protestues u mblodhën para ambasadës së SHBA duke thirrur “JO, JO, JO!” Në minutën e fundit, ndërsa protesta po rritej, Rama u tërhoq–marrëveshja e propozuar u zhbë nga të njëjtat forca demokratike ë Uashingtoni i pati mikpritur kur sundimi komunist ra. “Është e pamundur për Shqipërinë që të marrë pjesë në këtë operacion” tha Rama. Refuzimi i papritur i Shqipërisë i la diplomatët amerikanë në vështirësi për të gjetur një Plan B për të nxjerrë armët kimike jashtë Sirisë brenda 6 muajve sipas një axhende të rënë dakord me Rusinë, mbështetësin e fuqishëm të presidentit Bashar al-Asad.

Problemi nënvijëzon sfidën e madhe me të cilin përballet plani për të nxjerrë sarinën, gazin mustard e agjentë të tjerë vdekjeprurës nervorë nga një zonë lufte si dhe limitet e diplomacisë Amerikane. “Qe e mundshme që ai të thoshte ‘Po’, dhe Rama dëshironte të thoshte ‘Po’, por në fund u bë e pamundur për të të thoshte ‘Po’,” tha një diplomat i lartë perëndimor. Ekspertët tani po shohin mundësinë e përpunimit dhe shkatërrimit të armëve në det, me shumë gjasa në Mesdhe.

(Ne foto: Rama, Meta, Arvizu, Kodheli në takim  në hotel "Sheraton" disa ditë para vendimit për armët kimike)

Shkrimi u publikua sot (22.11.2013) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04