Arrestimi i ish-deputetit socialist Jurgis Çyrbja me urdhër të SPAK për lidhje me një grup kriminal në Durrës, komunikime në SKY ECC dhe 3 akuza të rënda, ka sjellë edhe reagimin e opozitës.
Kreu i grupit të PD-së, Gazment Bardhi, akuzoi direkt kryeministrin Edi Rama si njeriun që qëndron pas listave të deputetëve dhe “bandave kriminale që i shërbejnë atij”.
Me një postim në rrjetin social Facebook, Bardhi theksoi se “trajtimi i krimit të organizuar si bashkëaksioner në qeverisje, është rënie e shtetit dhe asgjësim i zgjedhjeve të lira”.
Deklarata e plotë e Bardhit:
“Aksesi i organizatave kriminale deri në pikën e caktimit të renditjes së kandidatëve në listën e deputetëve të PS është prova më domethënëse që Edi Rama është një Kryeministër i marrë peng nga bandat. Firma e Edi Ramës si Kryetar i PS për të plotësuar kërkesën e një prej grupeve më të rrezikshme të krimit të organizuar është akti më domethënës i gjunjëzimit të një partie politike dhe të Kryeministrit përpara tyre. Ky nuk është një rast i izoluar, por i shtrirë në çdo qark, në çdo bashki.
Trajtimi i krimit të organizuar si bashkëaksioner në qeverisje është rënie e shtetit, asgjesim i zgjedhjeve të lira, vdekje e demokracisë. Opozita e ka ngritur këtë shqetësim prej vitesh, por Kryeministri i bandave ka bërtitur “shpifje, shpifje, shpifje”, dhe sot si gjithmonë pasi i provohet, fshihet dhe hesht!
Listën e kandidatëve dhe renditjen e tyre nuk e caktojnë deputetët, por e harton dhe miraton Edi Rama. Bandat nuk kanë punuar për të bërë një deputet, por kanë punuar për të bërë Kryeministër Edi Ramën. Bandat nuk kanë mbledhur vota për të bërë një deputet, por për të bërë Edi Ramën Kryeministër. Nuk janë deputetët bashkëpunëtor të grupeve kriminale, por Edi Rama që ka ndarë qeverisjen me to dhe ka fituar pushtetin në bashkëpunim me to.
Kjo e bën zyrtarisht Shqipërinë vendin e parë në botë që qeveriset me prova të pakontestueshme nga krimi i organizuar! Përgjegjës për këtë është vetëm Edi Rama dhe askush tjetër”.
Postimi i Bardhit në FB
Lulzim Basha
Kryetari i PD-Demokratëve Euroatlantikë, Lulzim Basha, reagoi sot në lidhje me operacionin e SPAK-ut për arrestimin e ish-deputetit socialist Jurgis Çyrbja për 3 vepra të rënda penale dhe bisedat në SKY ECC, duke shprehur mbështetjen e plotë për institucionin e akuzës.
Deputeti ka postuar në rrjetin social Facebook edhe një video me denoncimet e tij për lidhjet e ish-deputetit të PS, Jurgis Çyrbja me bandat e Durrësit.
Basha shkruan se “ndarja e politikës nga krimi mbetet prioritet për zhvillimin e vendit”. Ai më tej thotë se prej vitesh kanë denoncuar lidhjet e Edi Ramës me krimin e organizuar dhe të emëruarve të tij me botën e errët të krimit.
Basha u shpreh se “demokratët euroatlantikë mbështesin punën e SPAK në luftën kundër korrupsionit”, si dhe përsëriti propozimi e tij për vetting-un në politikë, i cili është depozituar në Kuvendin, por i mbajtur peng nga kolegët e Jurgis Çyrbes.
Basha e cilësoi si “instrumenti i duhur ligjor për të thyer hallkat që lidhin politikën me krimin, duke e zbrazur parlamentin nga bedelët e bandave”.
Postimi i plotë i Bashës:
“Ndarja e politikës nga krimi mbetet prioritet për zhvillimin demokratik dhe ekonomik të vendit. Pa u ndarë politika nga krimi, ajo nuk do të jetë në shërbim të qytetarëve, por politikanëve të korruptuar dhe krimit të organizuar.
Për vite me radhë kemi denoncuar lidhjet e Edi Ramës dhe të emëruarve të tij me botën e errët të krimit, përfaqësuesit e të cilës u veshën me pushtet për t’i shërbyer interesave elektorale dhe ekonomike të një pakice, që e ka bërë vendin të pajetueshëm për shumicën dërrmuese të familjeve shqiptare.
Koha provoi edhe njëherë si të drejtë qëndrimin tonë mbi kriminalizimin e politikës, por kjo nuk mjafton.
Unë personalisht dhe Demokratët Euroatlantikë mbështesim punën e SPAK në luftën kundër krimit dhe korrupsionit, por politika ka detyrë të mos mbyllë veshët teksa në bankat e të akuzuarve ulen ata që betohen për t’i shërbyer qytetarëve, por në fakt emërohen për t’i shërbyer interesave të krimit të organizuar.
Prandaj, propozimi im për vetting-un në politikë, i depozituar në Kuvendin e Shqipërisë, por i mbajtur peng nga kolegët e Jurgis Çyrbes, është instrumenti i duhur ligjor për të thyer hallkat që lidhin politikën me krimin, duke e zbrazur parlamentin nga bedelët e bandave.
Kjo pengesë artificiale për pengimin e vetting-ut në politikë, teksa koha e provon si të drejtë dhe të domosdoshëm, duhet të marrë fund.
Shqipëria nuk është vendi më i varfër dhe më i korruptuar në Europë sepse i mungojnë burimet njerëzore dhe natyrore, por sepse keqqeveriset duke i shërbyer të korruptuarve dhe krimit të organizuar, jo qytetarëve”.
Komente
Lajme të tjera
-
Protesta e PD/ Ngjela për Report Tv: Kur nuk ke mbështetje, krijon akte dhune! Berisha duhet të ikë
24 Dhjetor, 19:11 -
Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?
24 Dhjetor, 18:50 -
Ylli Pata: Logjika politike e guerriles së senatorëve të Sali Berishës
24 Dhjetor, 18:33
-
Përplasja fizike në Kuvend, Luan Baçi i del në mbrojtje Agron Shehajt, kundër Flamur Nokës
24 Dhjetor, 18:31 -
Rrëzohen të vegjlit për Kodin Zgjedhor, Elezi: Akt tradhtie, Berisha shiti zgjedhjet! Kulluri: Shqiptarët do zgjedhin rreth 20 deputetë
24 Dhjetor, 18:03 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Gjykata Kushtetuese rrëzon ankimimin e partive të vogla për Kodin Zgjedhor: Pretendime të pabazuara, nuk cenohet barazia para ligjit (VENDIMI)
24 Dhjetor, 16:23 -
Protesta e PD-së, Martin Leka në Report Tv: Po kthehet në rutinë, Berisha nuk ka njerëz! Përdor propagandë për të karikuar simpatizantët! Më shumë kishte policë
24 Dhjetor, 13:56 -
Kosova dhe Shqipëria me ekipe të përbashkëta hetimore, Dumani dhe Isufaj firmosin marrëveshjen
24 Dhjetor, 12:52 -
Humbi ndjenjat në protestë, videoja që rrëzon pretendimin e Gjekmarkajt! QSUT: S'ka problem shëndetësor! Policia: S'e goditi askush! Deputeti: Më shtynë brutalisht
24 Dhjetor, 11:02 -
I kallëzuar për 'shpërdorim detyre', shkarkoi drejtorin e UKSH në 2022! Ish-kryebashkiaku i PD në Shkodër, Bardh Spahia 1 orë në SPAK: S'ka lidhje me krimin, as korrupsionin (VIDEO)
24 Dhjetor, 09:54 -
Protesta e PD-së, 7 të arrestuar, 21 protestues në hetim! Noka goditi efektivin, procedohet penalisht bashkë me 39 deputetë e zyrtarë të opozitës (EMRAT)
24 Dhjetor, 09:44
Flet Basha qe vodhi 230 million $. Flet Gaz Bardhi qe mori pjese ne crashed e Pherin Xhuvanit? Ky eshte pislkeku i polities shqiptare. Jeni deri ne fur ne mut dhe beni te ndershmin . Prit se po vjen dhe dita huah. Politica ka nevoje per pastrim urgent dhe te na shporren keta Frye’s te neveruteshme
PërgjigjuPo Z.Basha a hyn tek te koruptuarit,apo eshte i "paster"?Vetem per "Rrugen eKombit" ku humben 250-milion euro ,jo vetem nuk u gjykua por u fseh nga drejtesia me dhimbje barku.Te gjithe te akuzuarit per pervetesim bertasin kapeni pervetesuesin.
Përgjigju