Deputetë të Partisë Demokratike kanë mbërritur në ambientet e policisë së Tiranës për të parë gjendjen shëndetësore të 6 protestueseve të arrestuar gjatë protestës së djeshme. Përpara policisë së Tiranës ndodhen deputetët Edi Paloka, Edmond Spaho, Gent Strazimiri, Enkeljed Alibeaj si dhe Ervin Salianji e Eduart Halimi. 

Gjatë një deklarate për mediat, Ervin Salianji protagonist i incidenteve në sallën e Kuvendit gjatë zgjedhjes së Kryeprokurores, pasi hodhi tymuese, i ka bërë thirrje prokurorisë të lirojë protestuesit e arrestuar, pasi sipas tij ata janë të pafajshëm dhe mbahen padrejtësisht në paraburgim. Më tej Salijani tha se nuk do të largohet deri sa të lirohen të arrestuarit. 

Protestuesit e arrestuar: 

Renato Xhihani, 19 vjeç, lindur dhe banues në Kavajë;

Ervis Hajredini, 21 vjeç, lindur dhe banues në Lushnjë;

Igli Hasani, 24 vjeç, lindur dhe banues në Lushnjë;

Fanol Prifti, 40 vjeç, lindur dhe banues në Lushnjë;

Sokol Vuçeta, 46 vjeç, lindur dhe banues në Shkodër (i dënuar më parë);

Shyqri Proshka, 33 vjeç, lindur dhe banues në Kavajë.

Redaksia Online
Xh.F/Shqiptarja.com