POP 5

Lajmet më të lexuara të 5 minutave të fundit

Kronikë

Arrestohen 13 shqiptarë, vidhnin
në Belgjikë, i sillnin në Shkodë

Një hetim i përbashkët i autoriteteve belge, Prokurorisë e Policisë shqiptare ka bërë të mundur prangosjen e një grupi kriminal, i cili kryente vjedhje me dhunë në Belgjikë, mes tyre 13 shqiptarë e 2 të huaj. Shqiptarët me qëndrim të rregullt në Belgjikë me origjinë nga qyteti i Shkodrës, sipas akuzës fitimet nga aktiviteti kriminal i sillnin në Shqipëri. Ne brendesi emrat e te arrestuarëve.
VIDEO  FOTO
SHKODER - Një grup i strukturuar kriminal i përbërë nga 15 persona, mes tyre 13 shqiptarë, të cilët kryenin vjedhje dhe grabitje me dhunë në Belgjikë është shkatërruar nga policia shqiptare në bashkëpunim me autoritetet belge në qytetin e Shkodrës.  
 
Arrestimi i tyre eshte bere ne Blegjike, ndersa ne Shkoder nisi ne oret e para te mengjesit nje aksion prane banesave te tyre ne qytetin e Shkodres ku dyshohej se sillnin fitimet nga aktivitetet kriminale. Mbi 10 banesa u kontrolluan në lagjen “Dudas” pranë “Alla Kryqit”, nga Forcat e Ndërhyrjes së Shpejtë në bashkëpunim me RENEA-n dhe efektivë të policisë belge, ku u sekuestruan shumë bizhu të vjedhura dhe një sasi para cash, por edhe armë pa leje: konkretisht 2 pistoleta dhe 1 kallashnikov. 
 
Në një komunikim me mediat nga Prokuroria e Përgjithshme drejtues të operacionit bënë publik rezultatin e sekuestrimeve të kryera në qytetin e Shkodrës. Sipas akuzës anëtarët e këtij grupi kriminal dyshohet se kryenin vjedhje jashtë Shqipërisë dhe më pas, sendet e vjedhura me vlera të konsiderueshme, i shisnin ose i trafikonin në Shqipëri. Po ashtu, dyshohet se shumat e krijuara nga sendet e vjedhura i dërgonin pranë familjeve të tyre nëpërmjet transfertave me agjencitë e specializuara ose në gjendje kesh. 
 
Ndër personat e arrestuar janë Besmir Allushi, Gentian Sylaj, Denis Sylaj, Erald Agajçi, Leonard Velaj, Zamirjan Meti, Elis Rroshkodoli, Gentiana Burgaj, Elis Sylaj, Siditian Sylaj, Avenir Hasanaj, Përparim Isufaj, Gledis Agolli si dhe dy shtetasit e huaj Qatip Amal dhe Torosian Edgard.
 
te arrestuarit ne shkoder

Nga hetimet ka rezultuar se anëtarët e këtij grupi kanë krijuar pasuri të shumta dhe nga ana tjetër nuk rezultojnë të jenë të punësuar. Për këtë arsye, ka dyshime të forta se këta persona dhe bashkëpunëtorë të mundshëm të tyre, janë të përfshirë në një rrjet të gjerë vjedhjesh, paratë e përfituara nga të cilat i kanë transferuar në Shqipëri.


aksioni shkoder me logo

/Shqiptarja.com
  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Veliaj pret sekretarin e Përgjithshëm të PostEurop: Tirana, qendër aktivitetesh të mëdha në 2025

Veliaj pret sekretarin e Përgjithshëm të PostEurop: Tirana, qendër aktivitetesh të mëdha në 2025

30 Janar, 08:20