Një efektiv i rendit dhe një i Policisë Bashkiake u arrestuan pasi kanë shpërdoruar detyrën duke ndaluar të rinj që i kapnin me cigare hashashi në zonën e Liqenit artificial në Tiranë. Efektivët u vinin prangat që të dukeshin sa më të besueshëm që po bënin detyrën, dhe u merrnin të rinjve nga 20 deri në 50 mijë lekë, duke i lënë më tej të lirë në këmbim që mos t’i shoqëronin në komisariat.

Efektivi i komisariatit numër 1, Serxhio Cani 22 vjeç dhe polici bashkiak i Tiranës Sajmir Muzikanti, 39 vjeç ishin në vëzhgim nga Agjencia e Mbikëqyrjes Policore, pas denoncimeve të ardhura nga qytetarët.

Mësohet se ndaj tyre ishin bërë 9 kallëzime, por vetëm 3 raste janë dokumentuar. Sakaq, kryepolici Muhamet Rrumbullaku ka nisur procedurat për përjashtimin nga Policia e Shtetit për efektivin e komisariatit numër 1, Serxhio Cani. Që kur është vendosur në krye të Policisë, Rrumbullaku deri më tani ka përjashtuar 13 efektivë.1669457149_serxhiocani.jpg

Efektivi Serxhio Cani

Rendit zhvillimet sipas orarit:
Ora 15:57
FOTO/ Kush është polici bashkiak i Tiranës që u vu në pranga, bashkë me kolegun i merrte para të rinjve që konsumonin hashash

1669474537_foto.jpg

Report Tv ka siguruar fotografinë e policit bashkiak të Tiranës Sajmir Muzikanti, 39 vjeç. Ai u vu me pranga bashkë me Serxhio Canin pasi të dy kapnin të rinjtë te Liqeni i Tiranës, ku konsumonin hashash dhe i merrnin 20-50 mijë lekë që të mos i arrestonin.

Ora 11:07
Del FOTO, ky është një prej efektivëve që i merrte deri në 50 mijë lekë të rinjve që pinin hashash te Liqeni i Tiranës

1669457149_serxhiocani.jpg

Ky është një prej efektivëve që ka rënë në pranga pasi u merrnin lekë të rinjve te Liqeni i Tiranës që i kapnin duke pirë hashash. Report Tv ka siguruar foton e efektivit të komisariatit 1, Serxhio Cani.

SI.E./Shqiptarja.com

Ora 10:43
Vidhin të rinjtë që pinin hashash te liqeni i Tiranës, dy policët u merrnin deri në 50 mijë lekë! Për ta ishin bërë 9 kallëzime

Dy policët Serxhio Cani dhe Sajmir Muzikanti kanë rënë në pranga pasi akuzohen për vjedhje në zonën e Liqenit artificial në Tiranë. Mësohet se ndaj tyre ishin bërë 9 kallëzime, por vetëm 3 raste janë dokumentuar.

Policët, Cani e Muzikanti ndalonin të rinj që pinin hashash te Liqeni, iu vinin pranga dhe pasi i merrnin para i lironin. Ata u merrnin të rinjve që pinin hashash 20 deri në 50 mijë lekë për t’i lënë më pas të lirë.

"Specialistët për Hetimin e Krimeve të Komisariatit të Policisë Nr. 1, në bashkëpunim me specialistët e Drejtorisë Rajonale të AMP-së, ndaluan shtetasit: S. M., 39 vjeç, me detyrë punonjës i Policisë Bashkiake dhe S. C., 22 vjeç, me detyrë punonjës i Patrullës së Përgjithshme të Komisariatit të Policisë Nr. 1, të dy shtetasit banues në Tiranë.

Këta shtetas dyshohet se duke shpërdoruar detyrën, i kanë marrë me forcë, një shumë parash, shtetasve F. V., dhe F. D., në zonën e liqenit artificial, të cilët kanë depozituar kallëzim në Komisariat. Pas punës hetimore të kryer është bërë e mundur dhe zbardhja e ngjarjes dhe vënia në pranga e 2 shtetasve të mësipërm", njofton policia. 

SI.E./Shqiptarja.com