Policia e Lezhës ka arrestuar një 17-vjeçar pasi në banesë i është gjetur një armë zjarri pa leje.

Në pranga të bluve të Lezhës ka rënë P. N., 17 vjeç, banues në Mamurras.  

Gjatë kontrollit në dhomën e gjumit, në banesën ku jetonte ky shtetas, kanë gjetur dhe sekuestruar në cilësinë e provës materiale një armë zjarri automatik dhe një sasi municioni luftarak. 

Materialet i kaluan Prokurorisë pranë Gjykatës së Rrethit Gjyqësor Kurbin, për veprime të mëtejshme, për veprën penale “Mbajtja pa leje e armëve luftarake dhe e municionit”.