Arrestohet 54 vjecari
prodhonte konjak të rrezikshëm

Policia e Tiranës ka arritur të vërë nën arrest një 54 vjeçar, pasi akuzohet se prodhonte dhe shiste ushqime të rrezikshme për shëndetin.

Policia bëri të ditur se nga operacioni i koduar "Redon“, është arrestuar Fatmir Haka, 54 vjeç, banues në Tiranë, i cili në momentin e ndalimit po transportonte një sasi pijesh alkoolike.

Nga kontrolli i bërë nga policia në banesën e tij çuan në zbulimin e një punishteje ku prodhoheshin pije të ndryshme alkoolike, kryesisht konjak. Haka e ushtronte aktivitetin në mënyrë të palicencuar dhe të paregjistruar, duke vënë në rrezik shëndetin e konsumatorit.