Një i mitur është arrestuar pasi ndaj tij është dhënë masa e sigurisë “arrest me burg” për akuzën e armëmbajtjes pa leje. Burime zyrtare bëjnë me dije se ndaj 16 vjeçarit K.H., banues në Elbasan, është caktuar masa e sigurisë “arrest me burg” dy ditë më parë. Gjykata e Rrethit Gjyqësor Elbasan ka dhënë këtë masë sigurie ndaj të miturit, i cili akuzohet për veprat penale, “Prodhimi dhe mbajtja pa leje e armëve luftarake dhe e municionit” dhe “Veprime që pengojnë zbulimin e së vërtetës”.