Policia në Mal të Zi e ka arrestuar shtetasin polak, Roman Zimian, në Podgoricë, i cili dyshohet për mashtrim multimilionësh.
Polonia dhe Koreja e Jugut kanë lëshuar fletarrestim ndërkombëtar për të.
Pas shumë muajsh kërkime, pjesëtarë të Sektorit kundër Krimit - FAST, e kanë ndaluar 51-vjeçarin, ka thënë Administrata Policore e Malit të Zi, më 18 gusht.
Ka dyshime që Zimian, bashkë me partnerin e tij biznesor, Stefan Morgenstern, kanë dëmtuar një mori njerëzish në Poloni dhe Korenë e Jugut, në total prej rreth 21 milionë dollarëve amerikanë.
Ai është njëri prej themeluesve dhe pronarëve të fondit “Future net”, i cili është marrë me valuta digjitale, është thënë në njoftimin e autoriteteve.
FutureNet është drejtuar prej Roman Zimianit (Roman Kazimierz Ziemian) dhe Stefan Morgensternit.
Platforma me bazë në Poloni është hapur më 2014, ndërsa Roman dhe Stefan më vonë e kanë hapur një platformë të re - FutureAdPRO dhe e kanë krijuar një valutë të re digjitale, FuturoCoin.
Sipas njoftimit policor, ai dyshohet për kryerje të krimeve ekonomike, për mashtrim të gjerë, pastrim parash, vjedhje, si dhe shkelje të ligjit, për çka do të mund të dënohet me burgim të përjetshëm në Korenë e Jugut.
Sipas policisë, partneri i tij, Stefan Morgenstern, “është arrestuar në Greqi edhe më pas në Shqipëri”, derisa Roman Zimian është arrestuar në Itali më 2022, prej ku ka ikur prej arrestit shtëpiak.
Autoritetet në Podgoricë kanë thënë se e kanë arrestuar atë në një ndërtesë të re banimi, ku ka qenë duke u fshehur me identitet të rremë.
Autoritetet kanë konfiskuar edhe pajisje teknike me të cilat besohet se janë kryer krimet.
Autoritetet në Podgoricë patën arrestuar në mars edhe një tjetër të kërkuar ndërkombëtarisht për mashtrime me kriptovaluta, Do Kwon.
Ai kërkohet prej Shteteve të Bashkuara dhe Koresë së Jugut.
Ai dhe partneri i tij biznesor, Chang Joon, kanë përdorur pasaporta të rreme dhe kanë tentuar të udhëtojnë prej Podgoricës për në Dubai.
Për këtë shkelje, secili prej tyre është dënuar me katër muaj burgim.
Chang Jun, i cili është kërkuar vetëm prej Koresë së Jugut, është ekstraduar në atë shtet, derisa Do Këon, është në pritje të ekstradimit.
Ai kërkohet prej Koresë së Jugut dhe SHBA-së për mashtrime me kriptovaluta, në vlerë të 40 miliardë eurove.REL
Lajme të tjera
-
Mali i Zi, opozita bojkoton Parlamentin për shkak të Gjykatës Kushtetuese
21 Dhjetor, 22:33 -
Mali i Zi dhe Shqipëria përpara, të tjerët mbeten të bllokuar
16 Dhjetor, 08:39
-
Integrimi në BE/ Kroacia bllokon kapitullin 4 për Malin e Zi, kërkon zgjidhjen e pronësisë së anijes 'Jadran'
14 Dhjetor, 09:50 -
Fotot/ Ministri shqiptar në qeverinë Malazeze, Marash Dukaj, merr çmimin e madh “Grand Albanian Excellence” në Tiranë
12 Dhjetor, 10:08 -
Drejtoria e Arkivave marrëveshje bashkëpunimi me Malin e Zi, Bido: Synojmë të arrijmë standardet ndërkombëtare
6 Dhjetor, 14:28 -
Hapet traseja e rrugës së re Shirokë-Zogaj, shkon deri në pikën kufitare me Malin e Zi (VIDEO)
4 Dhjetor, 16:55 -
Kërkesat për azil në Europë nga shtetasit nga Shqipëria dhe Kosova mbeten të larta
4 Dhjetor, 15:20 -
Hapet traseja e rrugës nga pika kufitare me Malin e Zi deri në Zogaj, Rama: Do të ketë trotuar dhe korsi biçikletash
4 Dhjetor, 11:05 -
Bëri shqiponjën dykrenore më 28 Nëntor, nën hetim ushtari malazez
3 Dhjetor, 13:30 -
Kapet 30 vjeçari nga Mali i Zi në Muriqan! Do ekstradohet në Francë pasi akuzohet për përdhunim dhe kryerje marrëdhenie seksuale me të mitur
29 Nëntor, 11:45 -
'Kosova është Serbi', autorët e mbishkrimit, pjesëtarë të ushtrisë në Mal të Zi
28 Nëntor, 13:06 -
Aksident në aksin 'Shkodër-Koplik' mëngjesin e sotëm, automjeti përplasi për vdekje 80-vjeçarin
26 Nëntor, 08:15
