POP 5

Lajmet më të lexuara të 5 minutave të fundit

Arrestohet në Shkodër i shpalluri në kërkim ndërkombëtar, në pranga edhe një 55-vjeçar për armë e drogë

Armatimet e gjetura

Policia e Shkodrës ka vënë në pranga një 28-vjeçar me iniciale E.GJ të shpallur në kërkim nga autoritetet italine pasi Gjykata e Pistoia në Itali kishte caktuar për të masën e sigurisë 'Arrest me burg'. Mbi 28-vjeçarin rëndon akuza e veprës penale Vjedhje në rrethana rënduese” ku maksimumi i dënimit është 5 vite heqje lirie.

Po ashtu policia e Shkodrës  ka vënë në pranga një person të moshës 55-vjeç në fshatin Dragoç.  Gjatë kontrollit të ushtruar në banesën e tij policia ka gjetur një kallashnikov, municione luftarake  si dhe disa fidanë kanabis.

Njoftimi i plotë i policisë:

Vijon zbatimi i Planit të masave  për goditjen e paligjshmërisë, kapjen e personave në kërkim, si dhe për parandalimin e kultivimit të bimëve narkotike.

Kapet dhe ndalohet një shtetas i shpallur në kërkim ndërkombëtar me qëllim ekstradimin drejt Italisë


Arrestohet në flagrancë një shtetas për armëmbajtje pa leje dhe kultivim të bimëve narkotike

Nga strukturat e Drejtorisë Vendore të Policisë Shkodër si rezultat i një pune të mirëorganizuar, dhe në bazë të informacioneve të marra në rrugë operative, në bashkëpunim me Interpol Tirana, u bë e mundur  kapja dhe ndalimi i shtetasit të shpallur në kërkim ndërkombëtar: 

E. Gj., 28 vjeç, banues në Shkodër.  Arrestimi provizor i këtij shtetasi u bë pasi Gjykata e Pistoia / Itali, më datë 29.01.2019, ka caktuar masën e sigurisë "Arrest në burg",  për kryerjen e veprës penale “Vjedhje në rrethana rënduese”, parashikuar nga Kodi Penal Italian. Maksimumi i dënimit 10 vjet.

-

Gjithashtu nga strukturat e Komisariatit të Policisë Shkodër në mbështetje të Forcës së Posaçme Shqiponja, në bazë të informacioneve të marra në rrugë operative u arrestua shtetasi: 

F. H., 55 vjeç, banues në fshatin Dragoç, Shkodër,

Gjatë kontrollit të ushtruar në banesën e tij, Policia gjeti dhe sekuestroi në cilësinë e provës materiale një armë zjarri kallashnikov dhe municion luftarak, si dhe në oborrin e banesës së tij ju gjetën të kultivuar disa fidanë  Cannabis Sativa.

Materialet iu referuan Prokurorisë së Rrethit Gjyqësor Shkodër  për veprime të mëtejshme  për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe  “Kultivimi i bimëve narkotike”,  parashikuar nga nenet 278 e 284 të Kodit Penal.
 

E.L./Shqiptarja.com
Komento