Arrestohet nipi i Armando Dukës, lidhja e familjarit të kreut të FSHF-së me Bosin e shumëkërkuar të kriptomonedhave

Bashkë me turkun e shpallur në kërkim ndërkombëtar për mashtrim Özer, në prangat e policisë ka rënë dhe nipi I Armando Dukës. 

Mësohet se Edevaldo Haxhiu, i cili shoqëronte dhe fshihte turkun kishte një rol të rëndësishëm dhe e ka shoqëruar turkun gjatë qëndrimit të tij në vendin tonë ku fshihej nga autoritete turke dhe ato ndërkombëtare.  Mbeten ende të paqarta se si u lidh nipi I Armando Dukës me turkun që mashtronte me kriptomonedha, ndërkohë që I kishte ofruar edhe një “strehë” të sigurtë në vendin tonë.

Ndërkaq, nuk dihet nëse tentakulat e turkut kanë arritur dhe tek Armando Duka. Vetë Duka është vënë në qendër të akuzave nga mediat për zhdukjen e 2,1 milionë dollarëve të FIFA-s që ishin dedikuar për klubet shqiptare, por që avulluan rrugës. 

Autoritetet shqiptare vazhdimisht kanë shprehur shqetësimin se kriptomonedhat po përdoren dhe për pastrimin e parave. Faruk Fatih Özer dyshohet se u arratis nga Turqia me 2 miliard dollarë cash, të cilat i kishte fituat duke mashtruar dhjetëra mijëra turq, të cilët kishin investuar paratë e tyre në monedhën virtuale turke “Thodex”, e cila shpalli falimentin.

Lajmi kryesor:

U arratis me 2 mld $ nga Turqia, kapet në Palasë bosi i kriptomonedhave turke Faruk Ozer! Në pranga edhe nipi Armando Dukës që e ndihmoi të fshihej

B.K./Shqiptarja.com

TAG:
• briken shkembi
• edevaldo haxhiu
• himare
• Vlore
• Faruk Fatih Özer