Arta Dade e Majlinda Bregu: KE të
përshpejtojë zgjerimin me Shqipërinë

Arta Dade e Majlinda Bregu: KE të<br />përshpejtojë zgjerimin me Shqipërinë
Në Maltë u zhvillua mbledhja e Kryetarëve të komisioneve parlamentare të integrimit europian dhe të politikës së jashtme, në kuadër të presidencës Malteze të Bashkimit Europian.  

Kuvendi i Shqipërisë u përfaqësua në këtë takim nga Arta Dade, Kryetare e Komisionit për Politikë të Jashtme dhe Majlinda Bregu, Kryetare e Komisionit të Integrimit Europian.

Në këtë takim u prezantuan prioritetet e presidencës Malteze si migrimi, siguria, tregu i përbashkët, përfshirja sociale, etj.,  si dhe programi i punës së Komisionit Europian për vitin 2017,  i prezantuar nga Zv. Presidenti i parë i Komisionit Europian, Frans Timmermans.

Dade dhe Bregu zhvilluan një bisedë me kryetarin e Dhomës së Përfaqësuesve të Parlamentit Maltez dhe kërkuan që procesi i zgjerimit të jetë në vëmendje të Presidencës Malteze me qëllim avancimin e mëtejshëm në proces të Shqipërisë dhe vendeve të tjera të rajonit.

Gjithashtu Dade dhe Bregu diskutuan e ndanë opinione me kryetarët e komisioneve të integrimit dhe të politikës së jashtme, mbi prioritetet e Presidencës së BE-së për 6 muajt e ardhshëm dhe nevojën për të shtuar fokusin mbi politikën e zgjerimit.

Redaksia Online
Al.N/Shqiptarja.com



 

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Këshilli Bashkiak i Himarës komandon kryetaren e Bashkisë, koalicioni Bashkë Fitojmë bashkon votat me PS

Këshilli Bashkiak i Himarës komandon kryetaren e Bashkisë, koalicioni Bashkë Fitojmë bashkon votat me PS