Për këtë kalim të paligjshëm të kufirit dhe trafikun e qënieve njerëzore me gomone u prangosën 10 persona, mes tyre dhe Rrokaj i cili rezultonte se kishte rolin e komandantit në gomonen e tragjedisë.
Po ashtu bëhet e ditur se Artur Rrokaj, i cili më herët kishte emrin Arten Rrokaj, ka mbajtur postin e inspektorit të cilësisë për anijet e peshkimit, detyrë të cilën e ka kryer për disa muaj në portin e Durrësit, duke e lënë atë në momentin që është dashur të plotësojë formularin e vetëdekrarimit.
PD e ka renditur këtë person në listën e personave të inkriminuar të emëruar në poste publike. Grida Duma tha nga selia blu se Rrokaj është njëri nga skafistët e 9 janarit 2004, përgjegjës për humbjen e 28 jetëve, i dënuar nga drejtësia për këtë krim.
Redaksia Online
Al.N/Shqiptarja.com