PATOS - Ambasadori i SHBA në Tiranë Alexandër Arvizu është takuar sot me kryebashkiaken e Patosit, znj.Rajmonda Balilaj, meqënëse kjo bashki është fituese e projektit të USAID për pjesëmarrjen e qytetarëve në marrjen e vendimeve.
 
Arvizu ka vizituar edhe qytetin e Patosit, pasi është ndalur fillimisht në bashki. Takimi është mbajtur pa praninë e kamerave në  zyrën e qytetares së parë të Patosit, ndërsa  më pas është zhvilluar dhe një takim me këshillin e qytetarëve në sallën e mbledhjeve të godinës së bashkisë.
 
Pas këtij takimi, Arvizu vizitoi edhe një kompani prodhimi këpucësh, e cila është gjithashtu zbatuese e projektit amerikan “Rritje Albania”. Arvizu  ka falënderuar  punonjësit dhe administratorin për  prodhimet e nxjerra prej tyre, ndërsa ka pohuar se ndihma e USAID për projekte  në kompani të tilla që ofrojnë kushte  pune dhe  punësimi do të jetë në vazhdimësi.
 
Redaksia online
(ar.sh/shqiptarja.com)