POP 5

Lajmet më të lexuara të 5 minutave të fundit

Arkiva

Arvizu: Sistemi i Drejtësisë
hallka më e dobët në vend

Gjyqësori mbetet hallka më e dobët e Shqipërisë. Vlerësimi negativ është bërë nga ambasadori i SHBA, Aleksandër Arvizu në workshopin për trafikimin e qënieve njerëzore.
TIRANE- Gjyqësori mbetet hallka më e dobët e Shqipërisë. Vlerësimi negativ është bërë nga ambasadori i SHBA, Aleksandër Arvizu në workshopin për trafikimin e qënieve njerëzore. Duke i qëndruar të njëjtin  vlerësim të bërë nga kryeministri Rama, ambasadori Arvizu deklaroi se lufta e qeverisë për uljen e nivelit të krimit në vend duhet të shoqërohet nga vendime të drejta të gjyqësorit për trafikantët dhe kriminelët.

Ambasadori e cilësoi si të patolerueshme numrin e ulët të vendimeve gjyqësore të dhëna gjatë vitit 2013 për personat e akuzuar për trafikim të qënieve njerëzore. “Fatkeqësisht në 2013 këtu në Shqipëri pati vetëm dy dënime për trafikimin njerëzor. Me arrestime të shumta të trafikimit të qënieve njerëzore për 2013 dhe fillim vitin e 2014.

Është tejet e rëndësishme, është jetike që këto arrestime të përkthehen në një numër më të lartë dënimesh, e në mënyrë që të ndodhë kjo, qeveria duhet të bëjë punën e saj, por gjithashtu prokurorët dhe gjykatësit duhet të jenë pjesë e kësaj përpjekje në mënyrë që të arrihet progresi i mirëfilltë”, tha Arvizu.

Qeveria Shqiptare shpreson qe pas raportit pozitiv të KE mbi reformat e ndërmarra të ketë të njëjtin vlerësim nga DASH. “Në vitin 2013 DASh e përfshiu Shqipërinë në listën e vendeve nën vëzhgim dhe për shkak të punës së pamjaftueshme në luftën kundër trafikimit të personave, sot jemi në një situatë kur puna e qeverisë në këtë drejtim është vlerësuar në Progres-Raportin e Komisionit Evropian dhe ku pas pak kohe, ne shpresojmë dhe urojmë, me besim, që do të marrim një vlerësim pozitiv edhe nga Raporti i DASh”, tha zv.kryeministri Niko Peleshi në takim.


Shkrimi u botua në Shqiptarja.com (print) në 18 qershor 2014

Redaksia Online
(d.a/shqiptarja.com) 

 

/Shqiptarja.com
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57