Për këtë arsye Drejtoria e Prokurimeve e këtij institucioni ka hapur garën për kompanitë private të cilat janë të interesuara ta organizojnë atë.
Në dispozicion janë vënë 33 milion e 767 mijë lekë dhe kompania fituese duhet të sigurojë pajisjet audio-video, kompjuterat, printerat dhe kabinat e përkthimit.
Ndërkohë më herët në vendin tonë krahas dialogut të nivelit të lartë Shqipëri –BE që do të bashkedrejtohet nga Komisioneri për Zgjerim Johannes Hahn, në datat 30-31 mars do të zhvillohet në Durrës takimi i Ministrave të Jashtëm të vendeve të rajonit.
Veç çështjeve të thellimit të bashkëpunimit rajonal për projekte të rëndësishme, diskutimet do të fokusohen edhe tek kriza e refugjatëve dhe siguria, pasi disa vende të
Ballkanit Perëndimor, si Maqedonia apo Serbia janë të prekura nga kjo krizë.
Takimi i paraprin atij që pritet të mbahet në Paris mes vendeve të Ballkanit Perendimor dhe BE-së, i tretë i këtij lloji pasi atij në Berlin dhe Vjenë.
Në takim, përveç Komisionerit të BE-së për Politikën Evropiane të Fqinjësisë dhe Negociatat e Zgjerimit, Hahn, Sekretari i Përgjithshëm të RCC, Svilanovic, Ministrit të Punëve të Jashtme të Republikës Çeke, Lubomir Zaoralek në kapacitetin e tij si kryesues i rradhës i Grupit të Vishegradit (V4) si dhe Sekretarit të Shtetit, Harlem Desir dhe Nën-sekretarit italian për Punët e Jashtme Vincenzo Amendola si të ftuar nderi.
Redaksia Online
(F.T/shqiptarja.com)
