Kryetari i Asamblesë Kombëtare të PS, Gramoz Ruçi, hezitoi të bëjë publike vendimet, por një gjë të tillë e bën kryetarja aktuale e FRESSH-it, Joleza Koka. Ajo ka publikuar në “Facebook” disa nga vendimet për kandidatët e Asamblesë, të vendosura sot nga kjo e fundit në mbledhjen dyorëshe me dyer të mbyllura.

Bëhet fjalë për kandidatët e rinj për Asamblenë Kombëtare, ku thuhet se 50 % e tyre duhet të jenë gra, madje në dokument cilësohen "shoqe" një term ky i trashëguar nga koha e Partisë së Punës, ndërsa 20% deri në moshën 30 vjeç.
dokumenti asamblese“Mund ta marrim fatin në dorën tonë SOT, për të punuar, së bashku me ata me më shumë përvojë, për të ardhmen”, shkruan Koka.
 
Mbledhja e sotme ishte e fundit për Asamblenë Kombëtare të Partisë Socialiste, pasi anëtarëve të saj i ka mbaruar mandati.

Kongresi i 19 marsit do të zgjedhë përbërjen e re të këtij forumi. Për këtë qëllim, Asambleja kam vendosur që 50% e kandidaturave për këtë asamble të jenë gra, dhe 20% e të propozuarve të jenë të moshës deri në 30 vjeç.
 
Gjithashtu, po në Kongres do të miratohen edhe ndryshimet statutore, propozimi për referendum për mandatin e kryetarit të PS, por edhe për kërkesat e një grupi deputetësh për zhvillimin e zgjedhjeve për kryetar, pasi sipas tyre, Edi Ramës i ka mbaruar mandati.  

Redaksia online
Shqiptarja.com