Asgjësohen 140 rrënjë kanabisi në Krujë, një në pranga! Shpallet në kërkim djali i tij

KRUJË – 140 rrënjë kanabisi janë asgjësuar me anë të djegies nga policia e Krujës. Në pranga ka rënë Vesel Xhaferi ndërsa në kërkim është shpallur djali i tij.

Ata janë autorë të dyshuar të kultivimit të këtyre bimëve, në banesën e tyre në fshatin Fushë Thumanë.

"Shërbimet e Komisariatit të Policisë Krujë dhe ato të Forcës së Posaçme Operacionale të DVP Durrës, kanë vijuar intensivisht kontrollet në fshatra të ndryshëm të rrethit, me qëllim parandalimin dhe goditjen që në fazë fillestare, të tentativave për të kultivuar bimë narkotike.

LEXO EDHE:
Durrës/ Brenda vitit hapet parkimi me energji të vetëprodhuar nga dielli, 400 vende! Godina do ketë zyra e hapësira për evente

Si rezultat i kontrolleve të ushtruara në kuadër të fazës së dhjetë të megaoperacionit policor antikanabis të koduar “Territor i pastër”, në banesën e shtetasve V. Xh. dhe B. Xh. (babë e bir), në fshatin Fushë Thumanë, u gjetën të kultivuara 140 bimë të dyshuara narkotike cannabis sativa, të cilat u asgjësuan me anë të djegies", njofton policia.

Megaoperacioni policor antikanabis i koduar “Territor i pastër”, vijon.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

A.M./Shqiptarja.com

TAG:
• Vesel Xhaferi
• Durres
• krujë