KRUJË - 5225 rrënjë bime narkotike e llojit Canabis Sativa janë bllokuar dhe asgjesuar nga policia në fshatin Larushk të Krujës mesditën e së hënës.

Lënda narkotike u gjet në pronën e Isuf Temës, 55 vjeç, banues në këtë fshat, i cili u prangos nga policia.

Lënda narkotike ishte mbjellë në një parcelë në mes të fshatit, ndërsa mësohet se rreth 1 115 bimë ishin të mbjellë në kubik dhe u gjetën në brendësi të banesës në ndërtim në pronësi të këtij shtetasi.

Një pjesë e bimëve u morën në cilësinë e provës materiale, ndërsa pjesa tjetër u asgjësua me djegie.

Ndërkohë në kuadër të këtij operacioni policia shpalli në kërkim shtetasit A.T dhe Y.T banues në Krujë, të cilët po ruanin lëndën narkotike me armë zjarri.

Këta të fundit sapo kanë pikasur forcat e policisë kanë hedhur armët dhe janë larguar me shpejtësi.

Redaksia Online
(o.b/ Shqiptarja.com)