Asistenca dhe Kryeprokurori, 13
orë debat,qeveria rrëzon PD-LSI

Opozita kërkoi që kryeprokurorja e përkohshme Arta Marku të shkarkohet dhe të nisë procedura e zgjedhjes së një prokurori të përkohshëm të përgjithshëm sipas këtyre amendamenteve, që të kishte kaluar Vettingun dhe me 3/5.

Kryetari i grupit të LSI, Petrit Vasili deklaroi se pavarësisht votës kundër, dita e hesapeve të mëdha do të vijë shpejt. “Emërimi i Kryeprokurores së përkohshme është i paligjshëm. Interesi i ditës e ka verbuar shumicën. Pushtetet fiktive gjithmonë kanë qenë jetëshkurtra, por me pasoja për njerëzit. Reforma duhet të krijonte një besim të ri, të respektonte ‘Venecian’.

Opozita qëndron e përqendruar te Kushtetuta, jo te mania e emrave që mbrojnë qeverinë. Kapja e Kryeprokurores është fakt i kryer. Dita e hesapeve të mëdha do të vijë shpejt” deklaroi ai. Por deputetja e PS, Klotilda Ferhati u shpreh se propozimi për të shtuar një rregull trazitor për prokurorin e përkohshëm nuk i shërben ligjit. “Ku ishit ju përfaqësues të LSI kur u miratua ligji? Pse nuk e ngritët këtë shqetësim? Po ju të PD, kush u ka thënë se Kuvendi interpreton ligjin? Këtë e bën Kushtetuta, ju shkuat në gjykatën Kushtetuese? Pse nuk e kundërshtuat ligjërisht, por vetëm me fjalë? Zgjedhja e Arta Marku është e bazuar në ligj.

LEXO EDHE:
Shëngjin/ Zjarri përparon drejt Ranës së Hedhun, flakët i janë afruar zonës së banuar, rrezikohen bizneset

Ne nuk do të kemi më asnjë histori të përsëritur të një vakumi, kur prokurorit i mbaroi mandati dhe Kuvendit i takonte të zgjidhte një të përkohshëm. Pse harxhoni kohë dhe energji kot? Ky projektligj pengon Reformën në Drejtësi” deklaroi ajo. Për të vërtetuar dashurinë për ligjin, deputetja e PS, i kërkoi PD që të shpjegojë se ku i gjeti paratë për lobim në SHBA para se të merret me cështje të tjera.  Ndërsa PD, përmes deputetit Salianji u shpreh se opozita kërkon një prokuror të ri me vetting, dhe jo politik sikur ka ndodhur. Megjithatë në fund, shumica rrëzoi propozimet e opozitës.

d.b/shqiptarja.com

Sondazhi i ditës:

Kabineti i ri qeveritar, jeni dakord me ndryshimet e bëra nga Rama?

• Po

  36.4%

• Jo

  53.6%

• Nuk e di

  10%

Vota total: 5869

Votat totale janë unike

• Sondazhi i ditës:

  Kabineti i ri qeveritar, jeni dakord me ndryshimet e bëra nga Rama?

  Po Jo Nuk e di