Asnjë urdhër evakuimi, vullkani më i madh në botë në Hawaii vazhdon ende të nxjerrë llavë

Asnjë urdhër evakuimi, vullkani më i madh në botë në Hawaii vazhdon ende të nxjerrë llavë

SHBA- Vazhdon shpërthimi i Mauna Loa, vullkanit më të madh aktiv në botë, që ndodhet në Hawaii, SHBA, teksa ekspertët paralajmërojnë se drejtimet e rrjedhave të llavës mund të ndryshojnë shumë shpejt, raportojnë mediat e huaja.

Vullkani ndodhet në Ishullin e Madh të Hawaiit, i cili ka shpërthyer pas 38 vitesh dhe hera e fundit e shpërthimit ishte në viti 1984, i cili ka nxjerrë llavë për më shumë se tre javë.

Agjencia e menaxhimit të emergjencave në Havai njoftoi sot se kishte marrë raporte për llavën e cila kishte filluar të rrjedhë përgjatë pjesës jugperëndimore të kalderës së vullkanit.

Agjencia deklaroi se nuk ka indikacione se llava kërcënon zonat e banuara dhe nuk është lëshuar asnjë urdhër evakuimi.

Megjithatë, autoritetet lëshuan një paralajmërim për hirin e Ishullit të Madh ndërsa Shërbimi Kombëtar Meteorologjik u bëri thirrje banorëve me sëmundje të frymëmarrjes të qëndrojnë brenda dhe të shmangin thithjen e grimcave të hirit dhe kushdo që del jashtë të përdorë maskë.

"Është i mundur dëmtimi i të korrave dhe kafshëve. Dëmtime të vogla në pajisje dhe infrastrukturë. Dukshmëria është zvogëluar", thuhet në deklaratë.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se duhet të ngrihet komisioni hetimor për çështjen McGonigal?



×

Lajmi i fundit

Papa Françesku: Jam i gatshëm të takohem me Putin dhe Zelensky-n për të arritur një marrëveshje paqeje

Papa Françesku: Jam i gatshëm të takohem me Putin dhe Zelensky-n për të arritur një marrëveshje paqeje