DURRËS- Orland Paplekaj, ish-efektiv policie, i ka shpëtuar mrekullisht një atentati mesditën e sotme në rrugën dytësore në Shijak. 31-vjeçari po udhëtonte me një kamionçinë dhe është qëlluar nga një makinë tip ‘Golf’. Për pasojë, i riu ka humbur kontrollin e drejtimit të mjetit dhe ka dalë nga rruga, por nuk ka pasur dëmtime fizike, pasi fatmirësisht nuk është kapur nga plumbat.
Orland Paplekaj, mësojnë burime për Report Tv, punonte si shpërndarës i bombolave të gazit, ndërsa ka punuar edhe si roje në disa kompani. 31-vjeçari me origjinë nga Lekbibaj e Tropojës dhe me banim në Durrës ra pre e një atentati nga persona ende të paidentifikuar nga policia. Babai i dy fëmijëve, u qëllua nga një makinë “Golf” në lëvizje, që pas të shtënave u largua përmes një rruge të ngushtë, me dalje në autostradën Tiranë-Durrës.
Sapo konstatoi se po ndiqej, Orland Paplekaj tentoi të manovronte, dhe nga të shtënat humbi kontrollin e drejtimit të automjetit e doli nga rruga, por nuk pësoi dëmtime. Sipas tij, ai nuk ka pasur konflikt me askënd dhe nuk ka dijeni se kush mund të fshihet pas ngjarjes, apo përse ka ndodhur.
Grupi hetimor mori dëshminë e pesë personave të tjerë që ndodheshin në zonë gjatë atentatit dhe kamerat e sigurisë, me synim zbardhjen e ngjarjes.
Nga ana tjetër babai i tij, Prel Paplekaj, është polici i rendit në Durrës dhe është në prag të pensionit. Ato banojnë në lagjen 15 të Porto Romanos, ndërsa kanë ardhur në Durrës pas vitit 1991 nga Tropoja. Në Policinë e Durrësit e përjashtojnë pistën e atentatit si shkak të goditjes për shkak të detyrës së të atit.
Është zbardhur dëshmia e Orland Paplekajt, i cili i shpëtoi një atentati mesditën e sotme në rrugën dytësore në Shijak.
‘Isha në orar pune dhe po udhëtoja për të vazhduar transportin e bombolave që mbaja në kamionçinë. Mora kthesën në një nga rrugicat e rrugës Xhafzotaj-Shijak. Sapo u ktheva në një rrugë dytësore, dallova një automjet që më ndoqi rreth 10 metra. Në një moment manovruam dhe vura re që nga vendi i pasagjerit dikush nxorri një armë nga një thes. Hapi zjarr në drejtimin tim, por unë manovrova menjëherë dhe më pas humba kontrollin e makinës.’- thuhet në dëshminë e siguruar nga Report Tv, të Orland Paplekajt.
Repor tv siguron foton e Orland Paplekajt, ndërsa mëson se ai ka punuar roje në disa kompani. Ai ka qenë edhe punonjës i Policisë së Shtetit. 31-vjeçari, po udhëtonte me një kamionçine dhe është qëlluar nga një makinë tip ‘Golf’. Për pasojë, i riu ka humbur kontrollin e drejtimit të mjetit dhe ka dalë nga rruga, por nuk ka pasur dëmtime fizike, pasi fatmirësisht nuk është kapur nga plumbat.
Policia jep njoftimin zyrtar për atentatin ndaj Orland Paplekajt, djali i efektivit të policisë së Rendit në Durrës, Prel Paplekajt.
‘Në rrugën dytësore Xhafzotaj –Shijak, rreth orës 12:10, nga një automjet tip “Golf”, është qëlluar me armë zjarri në drejtim të automjetit tip “Kamionçinë”, që drejtohej nga shtetasi O. P. Si pasojë e të shtënave nuk ka persona të lënduar. Drejtuesi i kamionçinës ka humbur kontrollin mbi drejtimin e mjetit dhe për pasojë mjeti ka dalë nga rruga, por pa pësuar dëmtime fizike drejtuesi i mjetit.
Shërbimet e Policisë kanë shkuar menjëherë në vendngjarje, kanë ngritur pika kontrolli në të gjitha rrugët kryesore e dytësore, si dhe kanë rrethuar zonën. Vijon krehja e saj për kapjen e autorëve. Grupi hetimor ndodhet në vendngjarje dhe nën drejtoim e Prokurorisë vijon puna për zbardhjen e rrethanave të ngjarjes, si dhe për identifikimin e autorëve.’- njofton policia.
Komente
Lajme të tjera
-
Pushimet e shqiptarëve për festat e fundvitit, agjentja turistike për Report Tv: Vjena e Budapesti të preferuara! Egjipti më i vizituari këtë vit
25 Dhjetor, 15:50 -
Kremtohet Krishtlindja në Durrës, besimtarët e krishterë luten për paqe dhe mirësi
25 Dhjetor, 10:27 -
Sondazhi i Report Tv/ PS fiton Tiranën me 18 mandate, PD 11! 8 deputetë nga partitë e reja! Në Durrës socialistët fitore të thellë, marrin dhe Dibrën e Lezhën! Garë e fortë në Shkodër
25 Dhjetor, 07:51 -
Durrës/ Kamioni përplas për vdekje 40-vjeçarin me biçikletë në rrugë, shoferi arratiset nga vendngjarja! Bllokohet mjeti, identifikohet viktima (VIDEO+FOTO)
24 Dhjetor, 17:32 -
Miratohet buxheti i bashkisë së Durrësit për 2025/ Anëtari i PD-së del nga rreshti, ja çfarë parashikon
24 Dhjetor, 16:34
-
Porti i Durrësit, rinis udhëtimi i trageteve
24 Dhjetor, 13:08 -
Moti i keq në Durrës, ishte ankoruar në portin e peshkimit, fundoset peshkarexha ‘Gimi dhe Geri’
23 Dhjetor, 14:40 -
Moti i keq/ Pezullohet lundrimi i trageteve Durrës-Bari e anasjelltas, në Vlorë trageti mbetet në radë! Rruga e Arbrit e pakalueshme
23 Dhjetor, 13:45 -
VIDEOLAJM/ Dy tragete përplasen në kalatën e portit të Durrësit, shkak moti i keq! S'ka të plagosur
23 Dhjetor, 13:01 -
E përditshmja britanike 'Sunday Times': 10 vendet më të mira për t’u vizituar në Shqipëri
23 Dhjetor, 09:52 -
Krujë/ U denoncua i zhdukur nga familjarët, gjendet pas 23 ditësh pa jetë 57-vjeçari Edmond Veseli
22 Dhjetor, 16:08
-
Nata e ndërrimit të viteve në Durrës, bullgarët e polakët kryesojnë rezervimet në hotele! Operatori turistik: Çmimet u rritën me 10%
21 Dhjetor, 11:37
Imagjinoni sikur ndonje nga ata plumbat te gotiste qorrazi,ose rikoshete ndonje nga ato bombolat cfare kishte per te ndodhur!S.d.q.,menyren e transportimit te tyre e kane gabim.Ato duhen transportuar jo ne pozicion shtrire,por vertikalisht dhe ne makina qe jane vetem per ate pune,qe kane pjese perbrenda qe nuk i lejojne bombolat te rrotullohen,te perplasen me njera-tjetren gjate transportit,per shkak te cilesise se rruges,ose inercise se levizjes.Nejse,Shqiperi hesapi!Zoteria ishte me te vertete me fat kesaj here.
Përgjigju