Tiranë, 46 vjeçari i shpëton atentatit me armë! 2 persona e qëlluan nga motori! I plagosuri dërgohet në spital (EMRI)

TIRANË-  Një 46 vjeçar i shpëtoi një atentati në Bathore pasi dy persona të cilët lëviznin me një motomjet, qëlluan drejt tij me armë. Ngjarja u regjistrua mbrëmjen e sotme, (2 Nentor 2023)  rreth orës 19:15  në afërsi të kryqëzimit të Bathores informoi policia.

Mësohet se 46 vjeçari, i identifikuar si Agim Hida është plagosur në këmbë dhe është transportuar drejt spitalit ku ndodhet jashtë rrezikut për jetën. 

"Më datë 02.11.2023, rreth orës 19:15, në afërsi të kryqëzimit të Bathores, në rrethana ende të paqarta, dy persona ende të paidentifikuar të cilët lëviznin me një motomjet, kanë qëlluar me armë zjarri shtetasin A. H., 46 vjeç. Si pasojë 46-vjeçari është plagosur në këmbë dhe ndodhet në spital, nën kujdesin e mjekëve" informoi policia.

LEXO EDHE:
Personalitetet më të mëdha të muzikës tekno elektrizojnë sot Tiranën, Veliaj: Nëse nuk ikim dot nëpër festivalet botërore, i sjellim ato këtu

Forcat e policisë ndodhen në vendngjarje dhe po kryejnë hetimet e nevojshme për zbardhjen e ngjarjes. Ndërkohë janë ngritur pika kontrolli për kapjen e personave të dyshuar që qëlluan me armë ndaj 46 vjeçarit. 

B.V/S.G/Shqiptarja.com

TAG:
• bathore
• Tirane
• Agim Hida
• plagosje me arme zjarri