Një muaj nga arrestimi i Gëzim Harokut dhe shpalljes në kërkim të Erigers Mihasit, të dyshuar si atentatorët me armë ndaj, Enver Çaushit, në kompleksin “Eiffel”, prokuroria e Tiranës ka vendosur të kryejë ekspertimin e 15 armëve të ndryshme të sekuestruara gjatë operacionit për kapjen e dy të rinjve.
Prej disa ditësh 15 armë të kalibrave të ndryshëm, si 1 mitraloz i lehtë, 7 automatikë kallashnikovë, 3 pistoleta, 2 armë automatike MP7, një snajper me dylbi dhe një armë gjahu çifte, po i nënshtrohen ekspertizës. Një burim pranë prokurorisë tha për “Shqiptarja.com” se 15 armët e rënda, po krahasohen me gëzhojat e sekuestruara në disa ngjarje kriminale në pesë qytete, si në Laç, Tiranë, Durrës, Rrëshen dhe Krujë nëse mund të jenë përdorur në ndonjë nga ngjarjet.
Policia dhe prokuroria dyshon se armët mund të jenë përdorur në ngjarje kriminale dhe për pasojë po kryhet një ekspertizë e imtësishme, për secilën prej tyre. Njëherësh ekspertimi i 7 automatikëve, po kryhet dhe për sa i përket goditjes me armë të kompleksit “Eiffel” në pronësi të Enver Çaushit, ngjarje kjo e ndodhur në 15 qershor 2020 në Yrshek të Tiranës.
Ishte pikërisht kjo ngjarje që vuri në lëvizje policinë e Tiranës, me qëllim identifikimin e autorëve. Gjatë hetimeve është mësuar se në këtë ngjarje dyshohet se ishte i implikuar Erigers Mihasi dhe Gëzim Haroku. Ky i fundit është arrestuar ndërsa Erigers Mihasi është shpallur në kërkim.
Gjatë operacionit policor në banesën e Gëzim Harokut, policia e Tiranës mundi të sekuestrojë një arsenal të tërë me armë, ku 15 armë zjarri, si 1 mitraloz i lehtë, 7 kallashnikovë, 3 pistoleta, 2 armë automatike MP7, 1 pushkë me dylbi dhe 1 armë gjahu, tashmë janë dërguar në laborator për t’iu nënshtruar ekspertizës. Mes sendeve të paligjshme në banesën e Gëzim Harokut u gjendën 10 granata dore, 10 detonatorë, 10 kallëpe me tritol dhe fitil zjarrpërcjellës, një sasi fishekësh. Të gjitha këto municione dhe 15 armët, Gëzim Haroku, ka deklaruar në gjykatë se i ka gjetur në një tunel afër zonës ku ai banon.
Lajme të tjera
-
Informaliteti i pagave, Tatimet aksion në 1197 biznese në të gjithë vendin: 936 i korrigjuan, 6,1 mln lekë gjoba të vendosura, kontrollet do vijojnë!
26 Dhjetor, 20:35 -
Dosja 5D, SPAK mbyll hetimet dhe dërgon për gjykim ish-drejtorët e Bashkisë Tiranë! Kompania gjatë 2016-2022 fitoi 12 tendera dhe përfitoi rreth 2 mlionë euro
26 Dhjetor, 15:36 -
Tiranë, përplasi me makinë policin e Patrullës që ishte në shërbim, arrestohet 21 vjeçari
26 Dhjetor, 13:25 -
VIDEOLAJM/ Shikoni trafikun kilometrik në hyrje e dalje të Tiranës
26 Dhjetor, 13:23 -
Mbledhja e qeverisë, 275 mijë familje dhe individë përfitojnë nga 15 mijë lekë shpërblim për fundvitin
26 Dhjetor, 13:06 -
'Ne blejmë më shtrenjtë se qytetarët e BE', deputetja e PL-së: Shëndeti i shqiptarëve kërcënohet si nga prodhimi vendas dhe ai i importit
26 Dhjetor, 12:40 -
Tiranë/ Shiste fishekzjarre nga bagazhi i makinës, në hetim të lirë 46-vjeçari! Policia shton masat kundër shitjes së lëndëve piroteknike
26 Dhjetor, 10:27 -
Eduard Zaloshnja: Gjykata kushtetuese vs. realiteti elektoral
26 Dhjetor, 09:59
-
Hetimi pasuror, Veliaj 5 orë në SPAK! Burime: U kërkoi prokurorëve të thërrasin për deklarim edhe Nesti Angonin, denoncuesin që s'ekziston (VIDEO)
26 Dhjetor, 09:19 -
Sot Kukësi sfidon Egnatian në finalen e Superkupës, rrogozhinasit kërkojnë 'tripletën'! FSHF asnjë shpërblim për fituesin, Tetova: Duam trofeun
26 Dhjetor, 08:42 -
FOTOT/ Tirana shkëlqen për festat e fundvitit
25 Dhjetor, 21:16 -
Vetëvrasja e Mehmet Shehut para 43 vjetësh, dëshmia e ish-punonjëses së vilës: Kërkoi një kafe dhe një gotë ujë! Ngjarjen e mora vesh kur…
25 Dhjetor, 20:56
