Athinë, ndalohen 2 shqiptarë
me 23 kilogram kanabis

Gjatë një operacioni të Policisë së Janinës në bashkëpunim me atë të Athinës është bërë i mundur ndalimi i 23 kg lënde narkotike tip kanabis sativa.

Operacioni nisi pas një informacioni të marrë për kalimin e një sasie droge në kufirin shqiptaro - grek me destinacion Athinën.

Policët e Janinës dhe Athinës kanë ndjekur një 30 vjeçar shqiptar të dyshuar, i cili strehohej në një banesë në Athinë në zonën e Peristerit në kohën kur ai është takuar me një 28 vjeçar shqiptar, i cili i ka dhënë një pjesë të drogës, që kishte sjellë, nga Shqipëria.

Pas një kontrolli të ushtruar në banesën e 30 vjeçarit uniformat blu kanë gjetur 22 kg e 800 gram hashash, 1590 euro dhe 3 celularë. ah/shqiptarja.com/