POP 5

Lajmet më të lexuara të 5 minutave të fundit

Arkiva

Athinë, policia operacion për
largimin e emigrantëve ilegalë

Objektivi ka qenë qendra e Athinës sheshi Omonia, rreth së cilit banojnë mijëra klandestinë. Nga ky operacion priten të preken dhe emigrantë shqiptarë të cilët jetojnë pa dokumente në Greqi. Cështja e emigrantëve të paligjshëm është bërë edhe më problematike për shkak dhe të krizës ekonomike dhe të borxheve në të cilën ndodhet Greqia, dhe ku vendet e punës dhe fondet janë të pakta.
Athinë, policia operacion për <br />largimin e emigrantëve ilegalë
ATHINE- Në kryeqytetin grek nisi sot operacioni për dëbimin e emigrantëve të paligjshëm. Objektivi ka qenë qendra e Athinës sheshi Omonia, rreth së cilit banojnë mijëra klandestinë. Nga ky operacion priten të preken dhe emigrantë shqiptarë të cilët jetojnë pa dokumente në Greqi.

Gjatë ditës emigrantët të cilët nuk kanë qenë në gjëndje të vërtetonin se ishin të pajisur me dokumente, janë shoqëruar drejt komisariateve të policisë për tju nënshtuar përpunimit të të dhënave. Kryetari i bashkisë së Athinës nënvizoi presionin nën të cilën ndodhej kryeqyteti grek për shkak të emigrantëve të paligjshëm. Sipas tij gati 300 emigrantë kalojnë cdo ditë kufijtë dhe pjesa më e madhe e tyre qëndrojnë në Athinë, raporton gazeta greke ekathimerini. Rreth 200 forca speciale dhe gati 1100 oficerë janë angazhuar në këtë operacion.

KRITIKAT E BE-SE
Greqia akuzohet nga Bashkimi Europian se nuk ka bërë shumë për të ndaluar trafikun illegal të emigrantëve, ndërsa shoqatat ndërkombëtare për të drejtat e njeriut shpesh kanë ngritur zërin në lidhje me keqtrajtimin e emigrantëve.

Cështja e emigrantëve të paligjshëm është bërë edhe më problematike për shkak dhe të krizës ekonomike dhe të borxheve në të cilën ndodhet Greqia, dhe ku vendet e punës dhe fondet janë të pakta.

Madje ajo përballet me kërcënimin për daljen nga zona Shengen pasi akuzohet për një politikë jot ë përshtatshme të ruajtes së kufijve.

Greqia diskuton ngritjen e 30 qendrave për pritjen e klandestinëve brenda vitit të ardhshëm. Plani u paralajmërua javën e kaluar nga ministri për mbrojtjen e qytetarëve Michalis Chrysochoidis. Qendrat priten të ndërtohen në godina të cilat më përpara kanë qenë ushtarake. Vendimi pritet të kalojë në Parlament pa u votuar. Mirëpo ky plan ka hasur në kundërshtimin e banorëve, pasi I shohin si rrezik për jetën e tyre.
Qendrat priten të ndërtohen në Kozanë, ku tashmë kanë hasur në protestën e banorëve atje, në Selanik, Diavata, Florina,.Skydra, si dhe në veri të Greqisë dhe Katsimidi, në veri të Athinës.
(sg/shqiptarja.com)

  • Sondazhi i ditës:

    Mendoni se arrihet objektivi i qeverisë për pagë mesatare 900 euro?

Lajme të tjera



×

Lajmi i fundit

Rama ndan medaljet për vajzat e shkollës 9 vjeçare që fituan kampionatin e basketbollit: Sot Kamza i dha Tiranës një mësim

Rama ndan medaljet për vajzat e shkollës 9 vjeçare që fituan kampionatin e basketbollit: Sot Kamza i dha Tiranës një mësim

30 Mars, 19:54