POP 5

Lajmet më të lexuara të 5 minutave të fundit

Arkiva

Athine, 2 ministra kundër
Papandreut: Jo referendumit

Dy nga figurat kyçe të qeverisë greke, ministri i Financave Evangjelos Venizelos dhe ai i Zhvillimit, Mihalis Hrisohoidhis kundërshtojnë kryeministrin. Papandreu: Referendumi ndoshta mbahet më 4 dhjetor. Merkel: Euroja më e rëndësishme se Greqia.
Athine, 2 ministra kundër<br />Papandreut: Jo referendumit
KANE- Dy nga figurat kyçe të qeverisë greke, ministri i Financave Evangjelos Venizelos dhe ai i Zhvillimit, Mihalis Hrisohoidhis kundërshtuan sot idenë e kryeministrit grek, Jorgos Papandreu për zhvillimin e një referendumi për mbështetjen ose jo të eurozonës. Ndërkohë që samiti i Kanës i dha mbrëmë Greqisë ultimatumin se nëse do të zhvillohet një referendum, thelbi i tij duhet të jetë qëndrimi apo jo në Euro, dhe deri atëherë ndihma financiare për Athinën do të ”ngrijë”

MINISTRAT KUNDER PAPANDREUT
"Hyrja e Greqisë në zonën euro është një arritje historike e popullit grek dhe kjo nuk mund të diskutohet. Kjo nuk varet nga zhvillimi ose jo i një referendumi", deklaroi Venizelos sot në mëngjes, pas takimit në Kanë të Papandreut me BE-në dhe FMN-së për samitin e G20-s.
"Të gjithë duhet të marrin përgjegjësitë që u takojnë pasi vendi po kalon orë vendimtare'', deklaroi nga ana e tij Hrisohoidhis.
Një tjetër ministër i qeverisë greke, ai i Zhvillimit Rural dhe Ushqimit, Kostas Skandalidhis kërkoi një takim urgjent të grupit parlamentar socialist. ''Rruga evropiane e vendit nuk është e negociueshme'', deklaroi Skandalidhis

KANE, MERKEL: EURO ME E RENDESISHME SE GREQIA
Samiti i Kanës, në Francë i dha mbrëmë Greqisë ultimatumin se nëse do të zhvillohet një referendum, thelbi i tij duhet të jetë qëndrimi apo jo në Euro, dhe deri atëherë ndihma financiare për Athinën do të ”ngrijë”
Liderët e Francës dhe të Gjermanisë thonë se Greqia nuk do të ketë ndihmë financiare evropiane, derisa ky vend të mos vendosë për të ardhmen e vet brenda eurozonës. Komentet janë bërë nga presidenti francez, Nikollas Sarkozi, dhe kancelarja gjermane, Angela Merkel, pas takimit me kryeministrin e Greqisë, George Papandreu. Vendimi i tij për mbajtjen e referendumit për marrëveshjen për kredi, i ka zemëruar liderët evropianë. Kancelarja Merkel tha se stabilizimi i euros është shumë më i rëndësishëm se sa shpëtimi i Greqisë.Presidenti Sarkozi tha se referendumi duhet ta shtroj pyetjen nëse Greqia mbetet në eurozonë ose largohet nga ajo.

REFERENDUMI NDOSHTA ME 4 DHJETOR
Nga ana e tij Kryeministri Papandreu tha se 4 dhjetori mund të jetë datë e mundshme për zhvillimin e refrendumit, ndërsa shprehu bindjen se “populli grek është i mencur dhe i pjekur mjaftueshëm për të marrë vendimet e duhura”.

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

112-vjetori i Pavarësisë/ Basha: Urime datën më të rëndësishme të identitetit tonë kombëtar! Nderim atyre që luftuan për liri dhe bashkim

112-vjetori i Pavarësisë/ Basha: Urime datën më të rëndësishme të identitetit tonë kombëtar! Nderim atyre që luftuan për liri dhe bashkim

28 Nëntor, 08:47