ATHINË – Pesë të vdekur dhe frikë për dhjetëra migrantë të zhdukur mes Turqisë dhe Greqisë

 /ATSH-AFP/ - Të paktën pesë persona, mes të cilëve tre fëmijë, humbën jetën sot pas mbytjes së katër anijeve të mbushura me migrantë, midis Turqisë dhe Greqisë, një bilanc që rrezikon të rritet ndërsa vijojnë kërkimet për dhjetëra persona që kanë rënë në ujë, bënë të ditur rojat bregdetare greke.
Në fotograf, i pranishëm në vendngjarje, në plazhin Molyvos, regjistroi tre fëmijë të mbytur, ndërkohë që barkat e peshkimit vijonin të zbarkonin personat e mbijetuar.
Pasditen e sotme policia portuale raportoi 35 të mbijetuar, ndërsa kërkimet vijojnë të kryesuara nga katër anije patrulluese që u ndihmuan nga anijet e peshkimit dhe një helikopter.