POP 5

Lajmet më të lexuara të 5 minutave të fundit

Kronikë

Aty ku lind jeta! Materniteti i Fierit në kohë pandemie, mjeku: Asnjë rast i dyshuar deri më sot

Mjekët janë më të rrezikuarit nga koronavirusi, pasi janë në kontakt me pacientët në çdo kohë. Report Tv ka qenë brenda maternitetit të Fierit, për të parë nga afër si paraqitet situata dhe cilat janë problematikat gjatë këtyre muajve, kur edhe vendi ynë po përballet me rrezikun e COVID-19.

Koronavirus është bërë kryefjalë tashmë prej gati 5 muajsh në vendin tonë. Kohë të vështira janë për të gjithë sistemin shëndetësor, madje edhe për personelin mjekësor në maternitete, aty ku sigurohet vijimësia e jetës.

Në maternitetin e Fierit, nuk ka pasur asnjë rast të konfirmuar me Covid-19, por kujdesi vihet re në çdo moment.

Mjeku obstetër gjinekolog Besnik Brahimaj thotë se në këtë maternitet, edhe gjatë periudhës së pandemisë, numri i lindjeve ka qenë 120-130 në muaj.

"Vetë mjekët janë të angazhuar në drejtim të zbatimit të këtyre procedurave qoftë në kolektiv dhe me pacientët gjatë vizitave duke zbatuar të gjithë proceduar. Nuk ka pasur as të prekur me koronavirus dhe as fëmijëve të prekur. Lindjet kanë qenë 120-130 si në periudha kur pandemia nuk ka qenë e pranishme", tha mjeku Brahimaj.

Brahimaj thotë se në rastet kur nënat ose foshnjat shfaqin temperaturë, apo shqetësime të tjera, të ngjashme me simptomat e Covid 19, njoftohet mjeku specialist

"Kur ka pasur raste të dyshimta si me kollë dhe temperaturë kemi lajmëruar menjëherë ISHP për të bërë kontrollet", tha mjeku

Si Kryetar i Urdhrit të mjekut në Qarkun e Fierit, Brahimaj apelon se duhet të shtohen masat për ruajtjen e mjekëve duke përfshirë testimin e tyre, pasi ata  janë në kontakt me pacientët në çdo kohë, e rrjedhimisht më të rrezikuarit nga infektimi me koronavirus.

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Hunda: 18/07/2020 18:20

    Mbulo hunden o mjeku

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Përmbytjet e Vlorës/ Qeveria dëmshpërblen 375 familje të prekura me mbi 61 mln lekë, shpërndahen dhe 355 pajisje elektro-shtëpiake

Përmbytjet e Vlorës/ Qeveria dëmshpërblen 375 familje të prekura me mbi 61 mln lekë, shpërndahen dhe 355 pajisje elektro-shtëpiake

10 Janar, 18:15