Ministrat e punëve të jashtme kanë arritur në Vjenë, ku për dy ditë do të zhvillohen bisedime rreth krizës në Siri.
Aleati i presidentit sirian, Bashar al Assad, Irani do të merr pjesë për herë të parë në këto takime shumëpalëshe, së bashku me aleatin tjetër të Damaskut, Rusinë.
Sekretari i SHBA-së, John Kerry pritet të takohet me ministrin e jashtëm të Iranit, Mohammad Javad Zarif, para bisedimeve shumëpalëshe.
Kerry pritet të zhvillojë takime edhe më ministrat e jashtëm të Rusisë, Turqisë, dhe Arabisë Saudite.
Raportohet se edhe ministri i jashtëm i Rusisë Sergei Lavrov do të takohet me homologun e tij nga Irani.
Moska dhe Teherani insistojnë që presidenti Bashar al Assad, duhet të jetë pjesë e qeverisë transite, përderisa SHBA-ja, vendet tjera të perëndimit dhe ato të Gjirit, dëshirojnë largimin e tij.
Redaksia Online
(e.m/shqiptarja.com)