POP 5

Lajmet më të lexuara të 5 minutave të fundit

Kronikë

Autor të disa vjedhjeve, arrestohen 2 skifterët në Vlorë

Dy persona janë vendosur në pranga nga policia e Vlorës pas disa vjedhjeve që ata dyshohen se kanë kryer. Policia njofton se një nga të arrestuarit, 52-vjeç ishtë shpallur në kërkim pasi kishte vjedhur materiale ndërtimi dhe vegla elektrike në banesën e një personi.

Vlorë- Dy persona janë vendosur në pranga nga policia e Vlorës pas disa vjedhjeve që ata dyshohen se kanë kryer.

Policia njofton se një nga të arrestuarit, 52-vjeç ishte shpallur në kërkim pasi dyshohet se kishte vjedhur materiale ndërtimi dhe vegla elektrike në banesën e një shtetasi, në qytet.

“Nga veprimet hetimore rezultoi se shtetasi R. P., 52 vjeç, është autor i dyshuar edhe për 3 raste të tjera vjedhjesh, të ndodhura më datat 09.02.2025, 23.03.2025 dhe 24.03.2025, në lagjet “Lirim” dhe “Kushtrimi”, ku janë vjedhur sende të ndryshme në banesa dhe në një automjet”, thuhet në njoftimin e policisë.

Ndërkohë i arrestuari tjetër, 31 vjeç u kap nga policia e Selenicës, teksa po tentonte të vidhte në një stan në fshatin “Peshkëpi”. 31-vjeçari dyshohet se ka kryer vjedhje po në të njëjtin fshat edhe në nëntor të vitit të kaluar.

“Shërbimet e Stacionit të Policisë Selenicë arrestuan në flagrancë shtetasin A. Z., 31 vjeç, banues në Vlorë, i cili u kap në momentin që tentonte të kryente një vjedhje në një stan, në fshatin “Peshkëpi”. Gjatë përpjekjes për t’u larguar, ai braktisi automjetin pa targa, i cili u sekuestrua si provë materiale.

Nga hetimet e mëtejshme rezultoi se ky shtetas është autor i dyshuar edhe për një tjetër rast vjedhjeje, të ndodhur më datë 28.11.2024, në të njëjtin fshat”, informon më tej policia.

Sendet e vjedhura u sekuaestruan si provë materiale.

Materialet procedurale iu referuan Prokurorisë Vlorë, për veprime të mëtejshme.

Xh.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 30 Mars, 00:06

    Programi i PS, a ju duken të realizueshme objektivat ekonomikë?

Lajme të tjera



×

Lajmi i fundit

Deputeti shqiptar i shkruan letër Aleksandër Vuçiç

Deputeti shqiptar i shkruan letër Aleksandër Vuçiç

1 Prill, 07:52