Autori i masakrës në Stamboll
u trajnua në Afganistan,pranon fajin VIDEO/Momenti i arrestimit të autorit

Terroristi i cili u mori jetën 39 personave në një klub nate në Stamboll të Turqisë natën e ndërrimit të viteve, është trajnuar në Afganistan dhe flet 4 gjuhë të huaja, ka raportuar guvernatori i qytetit.

 Ai identifikoi emrin e autorit si Abdulgadir Masharipov, i lindur në Uzbekistan në 1983.

Vasip Sahin, guvernatori i qytetit, është shprehur se Abdylkadir Masharipov besohet të ketë hyrë në Turqi ilegalisht në janar të vitit 2016.

Sahin deklaroi se Masharipov ka pranuar sulmin dhe se shenjat e gishtërinjëve të tij përputhen me ato që janë gjendur në vendin e ngjarjes.
 
“Terroristi pranoi autorsinë e krimit”, deklaroi kryebashkiaku Vasip Sahin për median. 

“Ai ishte stërvitur në Afganistan dhe fliste katër gjuhë të huaja. Është një terrorist me një përgatitje stërvitore mjaft të mirë”, vijoi kryebashkiaku.

I dyshuari u arrestua në një apartament në lagjen “Esenyurt”, në pjesën evropiane të Stambollit.

39 persona humbën jetën si pasojë e sulmit terrorist në klubin ‘’Reina’’ në Stamboll. 

[gallery]20611[/gallery]

Redaksia Online
XH.K/Shqiptarja.com