Autoritetet shëndetësore Gjermani: Jo pushime verore, do ndizen vatra të reja Covid

Në Gjermani autoritetet shëndetësore kanë paralajmëruar qeverinë teksa janë shprehur se hapja e kufijve dhe udhëtimet do të shtojnë rrezikun për një valë të dytë infektimi, më të keqe se ajo e para pasi njerëzit nuk do të tregohen të kujdesshëm dhe të përgjegjshëm gjatë pushimeve.

Ata kanë thënë se qeveria duhet të mbajë ende mbyllur kufijtë dhe për arsye shëndetësore njerëzit duhet të qëndrojnë atje ku jetojnë.

Ata theksojnë se qeveria po vepron e drejtuar nga arsyet ekonomike duke nënvlerësuar rreziqet për shëndetin.

Qeveria gjermane ka në program të lejojë udhëtimet për turistët gjermanë duke filluar nga vendet e Bashkimit Europian. Kufizime do të ketë për vende jashtë BE-së.

Ministri i Jashtëm gjerman Heiko Mas, u takua në fillim të javës për herë të parë me homologët e dhjetë vendeve evropiane, në përpjekje për të shpëtuar sezonin turistik sidomos për ata që duan të shkojnë në plazh. Një takim ky i përqendruar në rregullat që duhen aplikuar në pritje të takimit të radhës javën e ardhshme.

Lajmi kryesor:

Covid, në Itali regjistrohen 161 viktima në 24 orë! Numri i rasteve të infeksionit në botë në pragun e 5 milionë

TAG:
• SHBA
• rusia
• Koronavirus
• covid