POP 5

Lajmet më të lexuara të 5 minutave të fundit

Sociale

Autostrada lë në hije rrugën nacionale Fier-Vlorë, po degradohet plotësisht! Banorë të zonës vuajnë pasojat e mos investimit

Me ndërtimin e autostradës, aksi Fier-Vlorë u kthye në rrugë fshati edhe pse mban ende statusin rrugë nacionale. Prej 15 vitesh pa asnjë investim ajo po degradon plotësisht, ndërsa pasojat i vuajnë qindra banorë të fshatrave të dy qarqeve

Fermerët e Novoselës, Panajasë e Bistrovës për të nxjerr në treg produktet e bujqësisë u duhet më shumë se një orë edhe pse distanca deri në Vlorë është vetëm 20 km.

‘Difekti ka qenë vetëm tek kanalet anësore. Janë dëmtuar se shkojnë dhe mjetet e rënda’- u shpreh një fermer.

Me ndërtimin e autostradës Vlorë-Levan, aksi i vjetër Fier-Vlorë ka degraduar pasi prej 15 vitesh nuk mbushet asnjë gropë. Tashmë edhe taksia kushton më shtrenjtë, ndërsa pronarët e restoranteve ankohen se janë larguar klientet.

 ‘Unë i bie autostradës dhe po të vij nga rruga e vjetër e deri këtu, që unë të marr një klient me taximetër kushton 10 mijë lekë. Në momentin që vij, që andej kushton edhe 5000 lekë më tepër’.- u shpreh një taksist.

 ‘Kemi edhe ne pjesën tonë të klientëve që na ankohen. Pse këtë rrugën nuk e rregulloni?’- tha pronari i një lokali.

Ky aks u shërben qindra banorëve të 10 fshatrave nga Vlora deri në Fier.

Ura në hyrje të qytetit të Fierit, pranë ish-fabrikës së bukës është dëmtuar duke përbërë rrezik për kalimtarët dhe drejtuesit e mjeteve. Nga aksidentet e shumta parmakët janë thyer, ndërsa ARSSH nuk ka ndërhyrë për riparimin e tyre.

‘Nuk është mirë. Është shumë e vështirë ura. Duhet rregulluar’, shprehet një e moshuar.

‘Më të rrezikuar janë fëmijët, kur dalin nga shkolla se ato po u thyen’, thotë një kalimtar.

Ura është pjesë e aksit nacional Fier-Tiranë, që përballon një fluks të lartë lëvizje dhe përpos parmakëve mungojnë ndriçimi e sinjalistika.

 

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Francë/ Mbledhja e parë të Këshillit të Ministrave të qeverisë Bayrou, Marcon bëri thirrje për guxim dhe stabilitet

Francë/ Mbledhja e parë të Këshillit të Ministrave të qeverisë Bayrou, Marcon bëri thirrje për guxim dhe stabilitet

3 Janar, 22:53