Politika shqiptare ka uruar qeverinë e re të Kosovës, e cila u formua nga koalicioni LDK-AAK-Nisma-minoritetet, me kryeministër Avdullah Hotin.
Kryeministri Edi Rama i uroi suksese qeverisë së re por dhe opozitës të zhvillojnë misionin e tyre në shërbim të popullit. Nga ana e tij kryetari i PD-së, Lulzim Basha përmendet sfidat e qeverisë së re, ndërsa thekson se PD do të jetë në krah të Kosovës dhe qytetarëve të saj.
Edhe Kryetari i Kuvendit, Gramoz Ruçi, i dërgoi sot një letër urimi Kryeministrit të ri të Republikës së Kosovës, Avdullah Hoti, me rastin e zgjedhjes nga Kuvendi të Qeverisë së re. Sipas Ruçit, qeveria e re e Kosovës do të përmbushë me sukses misionin dhe objektivat e saj, në shërbim të aspiratave të qytetarëve të Kosovës për zhvillimin, mirëqenien dhe integrimin euro-atlantik të Republikës
“Jam i bindur se nën lidershipin dhe me përvojën Tuaj qeverisëse, Qeveria e re e Republikës së Kosovës do të përmbushë me sukses misionin dhe objektivat e saj, në shërbim të aspiratave të qytetarëve të Kosovës për zhvillimin, mirëqenien dhe integrimin euro-atlantik tëRepublikës.
Shpreh gjithashtu besimin se Qeveria e re do të kontribuojë që Republika e Kosovës të bëhet një faktor i rëndësishëm për zhvillimin, fqinjësinë e mirë, paqen, sigurinë dhe stabilitetin në rajon.
Kuvendi i Shqipërisë do të forcojë e zgjerojë bashkëpunimin me Kuvendin, Qeverinë dhe institucionet e Kosovës dhe do të vazhdojë të kontribojë për fuqizimin e rolit të Republikës së Kosovës në zhvillimet rajonale e më gjerë.”, shkruan Kryetari i Kuvendit, Gramoz Ruçi, në letrën e urimit drejtuar Kryeministrit të ri të Republikës së Kosovës, Avdullah Hoti.
Ministri në detyrë për Evropën dhe Punët e Jashtme, Gent Cakaj, me anë të një postimi në tëitter, është shprehur për krijimin e qeverisë së re të Kosovës. Kryediplomati, ka përgëzuar krijimin e Qeverisë, nën udhëheqjen e Kryeministrit të ri të Kosovës, Avdullah Hoti, dhe po ashtu ka uruar Ministren e Jashtme, znj. Meliza Haradinaj Stublla, për marrjen e detyrës.
“Ne riafirmojmë përkushtimin tonë për të thelluar bashkëpunimin e ndërsjellë ndërmjet dy vendeve tona dhe për të ruajtur orientimin pro Bashkimit Evropian dhe pro amerikan.”- ka përfunduar Cakaj postimin e tij.
Formimin e qeverisë së re të Kosovës e ka përshëndetur edhe kryetari i Partisë Demokratike, Lulzim Basha. Në një reagim në Facebook, Basha përmendet sfidat e qeverisë së re, ndërsa thekson se PD do të jetë në krah të Kosovës dhe qytetarëve të saj.
"Konsolidimi i shtetit, integrimi euroatlantik, mbrojtja e integritetit dhe sovranitetit të Kosovës, janë sfidat, përballimi me sukses i të cilave janë në interes jo vetëm të Kosovës e popullit të saj, por jetike për paqen dhe proceset integruese të krejt rajonit tonë. I uroj punë të mbarë qeverisë së re të Kosovës dhe kryeministrit Hoti në plotësimin me sukses të objektivave strategjikë të Kosovës dhe shërbimin ndaj interesit më të mirë të qytetarëve të saj. Partia Demokratike e Shqipërisë sot në opozitë dhe nesër në qeverisjen e vendit do të jetë përherë në krah të Kosovës, në krah të qytetarëve të saj, me bindjen e palëkundur se suksesi i Kosovës është sukses i interesit kombëtar të gjithë shqiptarëve", shkruan Basha.
Kryeministri Edi Rama ka uruar qeverinë e re në Kosovë, e cila u formua nga koalicioni LDK-AAK-Nisma-minoritetet, me kryeministër Avdullah Hotin. Rama duke i uruar suksese qeverisë së re por dhe opozitës të zhvillojnë misionin e tyre në shërbim të popullit. Rama shprehet se kjo ka qenë një periudhë përpëlitjesh në procesin e maturimit demokratike të Kosovës, por që e ardhmja t'i gjejë qeveri e opozitë së bashku me punë të mira.
"U uroj rrugëtim të mbarë qeverisë së re të Kosovës e opozitës gjithashtu, në shërbim të interesit të popullit e të shtetit të tyre, me besim e shpresë se pas një periudhe jo të lehtë përpëlitjesh në procesin e maturimit demokratik, do të bëjnë së bashku punë të mira për Kosovën", shkruan Rama.
Qeveria e re u mandatua pas rrëzimit të qeverisë Kurti me mocion mosbesimi në Kuvend nisur nga LDK, që ishte aleati i tij në qeveri.
Lajme të tjera
-
VIDEO/ Atmosfera festive në Kosovë, tregu i Krishtlindjeve në Prishtinë tërheq vëmendjen e të huajve
25 Dhjetor, 16:02 -
Serbia i refuzon ministrit të Brendshëm të Kosovës kërkesën për vizitë në Luginën e Preshevës
25 Dhjetor, 13:52 -
Osmani: Lista Serbe është angazhuar në akte terroriste dhe akte agresioni
24 Dhjetor, 19:57 -
Kosovë, Lista Serbe paralajmëron se do të ankimojë vendimin e KQZ-së
24 Dhjetor, 18:01 -
Kurti: Sulmin në kanalin e Ibër-Lepencit e urdhëroi Radoiçiçi, Serbia e financoi! Para dhe pas vitit të ri mund të ketë sulme terroriste në Kosovë
24 Dhjetor, 17:45 -
Gucati përfundon dënimin në Hagë: Qëndrova ballëlartë dhe krenar
24 Dhjetor, 16:51 -
Kosova dhe Shqipëria me ekipe të përbashkëta hetimore, Dumani dhe Isufaj firmosin marrëveshjen
24 Dhjetor, 12:52 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Ambasadori britanik në Kosovë reagon pasi nuk u certifikua Lista Srpska: Procesi të zhvillohet mbi bazën ligjore, jo të interesave politike
24 Dhjetor, 10:34 -
Perëndimi shpreh shqetësim për moscertifikimin e Listës Serbe
23 Dhjetor, 21:32 -
Kosovë/ 100 eurot për fëmijë dhe pensionistë, fushatë zgjedhore apo ndihmesë?
23 Dhjetor, 18:47 -
Kosovë/ Kurti lë jashtë zgjedhjeve Listën Serbe, anëtarët e Vetëvendosjes votojnë kundër, KQZ nuk certifikon pjesëmarrjen
23 Dhjetor, 15:47
