POP 5

Lajmet më të lexuara të 5 minutave të fundit

Arkiva

Ayala e Rama:Fitore e Shqipërisë
presim të njihet rezultati

Kryetari i PS-së sëbashku me Sekretarin e Përgjithshëm të Internacionales Socialiste, Luis Ayala, kanë përshëndetur fitoren e së majtës në Shqipëri. Ayala tha: "Ky është një moment me rëndësi për vendin kur të gjithë duhet të bashkohen. Presim që ata që janë në krye të institucioneve të dalin dhe njohin rezultatin."
Ayala e Rama:Fitore e Shqipërisë<br />presim të njihet rezultati
TIRANË – Kryetari i PS-së sëbashku me Sekretarin e Përgjithshëm të Internacionales Socialiste, Luis Ayala, kanë përshëndetur sëbashku, fitoren e së majtës në Shqipëri në një konferencë për shtyp. Ata kanë dhënë mesazhin e bashkimit të vendit; Ayja: "Ky është një moment me rëndësi për vendin kur të gjithë duhet të bashkohen" kurse Rama "të bashkohemi me fitoren e madhe të Shqipërisë".

Konferencën e hapi kreu i Ps-së, Edi Rama, i cili tha: “Ndërkohë që po marrim përgëzime nga miq dhe ndërkombëtarë, ky është momenti për të falenderuar Sekretarin e Përgjithshëm të Internacionales Socialiste, Luis Ayala.”
 
Ayala nga ana e tij tha: “Eshtë një moment i jashtëzakonshëm për Shqipërinë. Do doja të përgëzoja popullin shqiptar për mënyrën e përgjegjshme me të cilën ka kryer këto zgjedhje. Do doja t'i dërgoja ngushëllimet e familjes sonë socialiste të gjithë atyre që vuajtën nga incidenti i ditës së dielë.

Gjithashtu, siç uroj z.Rama, unë uroj edhe kryetarin e LSI-së, z.Meta. Në fakt kam qënë këtu edhe disa kohë më parë dhe tashmë, bashkimi i fortë i së majtës, tregoi se sjell një vizion të ri për vendin. Lamë menjanë ato vështirësi të mëdha dhe jemi para të krijuarit të një momenti kur institucionet do të ecin para dhe do të krijojnë një të ardhme normale."

Sekretari i Përgjithshëm i Internacionales Socialiste theksoi  në fjalën e tij : "Më pëlqeu shumë ajo që tha dje Edi, se edhe ata që humbën, duhet të kuptojnë se ky është moment me rëndësi për vendin, kur të gjithë duhet të bashkohen. Dhe ajo që presim është se ata që janë në krye të institucioneve duhet të dalin dhe njohin rezultatin. Edhe shokët e mi në të gjithë Evropën po e festojnë këtë ngjarje të madhe në Shqipëri dhe në Tiranë."
 
Rama nga ana e tij tha: “Ne vazhdojmë të presim qetësisht në respekt të etikës tonë europiane që kundërshtari të pranojë humbjen dhe të bashkohet me fitoren e madhe të Shqipërisë. Ky është triumfi i sovranit që ndau Shqipërinë nga proceset e deformuara që njollosën imazhin e vendit tonë. Sot, çdo shqiptar që ka votuar në 23 qershor, për cilëndo forcë politike, duhet të ndihet krenar sepse e bëri Shqipërinë krenare që me gëzim përjeton të vërtetën e thjeshtë se nga këto zgjedhje ka fituar Shqipëria,” – përfundoi ai.
 
Redaksia online
(ar.sh/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça