Azil e thyerje të rregullave të qëndrimit, riatdhesohen 60 shqiptarë nga Franca

RINAS- 60 persona janë riatdhesuar për shkak se kanë thyer rregullat e qëndrimit në një vend të BE-së. Nga këta 60 të riatdhesuar 20 prej tyre kishin kërkuar azil dhe 40 të tjerët për qëndrim të parregullt.

Ata janë sjellë nëpërmjet një charteri nga Lille, Francë, në kuadër të fluturimit të përbashkët evropian organizuar nga Franca dhe Frontex, si dhe me mbështetjen e eskortës shqiptare.

Sipas policisë operacionet e riatdhesimit do vijojnë edhe në javët e ardhshme dhe në këtë kontekst, Policia e Shtetit apelon të gjithë shtetasit shqiptarë që udhëtojnë për në vendet e BE-së, të respektojnë rregullat e lëvizjes në hapësirën Schengen, si dhe mos bëjnë provojnë të kërkojnë azil, pasi shanset për ta fituar janë zero.

Njëkohësisht Policia Kufitare, në pikat e kalimit do vijojë me kontrollet rigoroze në drejtim të verifikimit të dokumentacionit dhe plotësimit të kushteve për të udhëtuar në vendet e BE-së, si dhe të kontrollit më të rreptë të kufirit jeshil.

TAG:
• france
• vizat
• azil
• shengen
• frontex