Azilkërkuesit në BE, hetim
kreut të Pajtimit të Gjaqeve

Kryetari i Komitetit të Pajtimit Mbarëkombëtar me qendër në Tiranë, Gjin Marku dhe Pashko Tom Popaj me detyrë anëtar i Shoqatës së Misionarëve të Paqes dhe Pajtimit të Gjaqeve të Shqipërisë me qendër në Shkodër akuzohen se  duke shfrytëzuar pozicionin në shoqata kanë lëshuar vërtetime te falsifikuara për persona të ndryshëm, që ata të aplikonin dhe përfitonin në mënyrë të padrejtë azilin.
“Bileta shqiptare” për në Tokën e Premtuar belge
Sequi: Eshte rritur numri i azilkërkuesve shqiptarë

TIRANE- Drejtoria kundër Krimit Financiar dërgon për hetim kryetarin e Komitetit të Pajtimit Mbarëkombëtar me qendër në Tiranë, Gjin Marku dhe Pashko Tom Popaj me detyrë anëtar i Shoqatës së Misionarëve të Paqes dhe Pajtimit të Gjaqeve të Shqipërisë me qendër në Shkodër.

 “Këta shtetas dyshohen se duke shfrytëzuar pozicionin në shoqatat e mësipërme kanë lëshuar vërtetime te falsifikuara për persona të ndryshëm, që ata të aplikonin dhe përfitonin në mënyrë të padrejtë azilin në vende të ndryshme të Europës, duke konsumuar elemente të veprës penale te “Falsifikimit të dokumenteve”, parashikuar nga neni 186 i Kodit Penal. thuhet në njoftimin për shtyp të policisë.

Policia e Shtetit njofton se do të vijojë verifikimin e të gjitha rasteve të ngjashme, duke kryer të gjitha veprimet procedurale në ngarkim të të gjithë atyre shtetasve që do të evidentohen se kanë kryer apo kryejnë veprime antiligjore.