Policia e Korçës ka vënë në pranga Arben Hajdinllarin 50-vjeç pasi ai ka dhunuar dy fëmijët e tij të mitur.

Sipas policisë, 50-vjeçari është person me precedent penal, pasi ka keqtrajtuar në banesën e tij, si edhe ka ushtruar dhunë fizike e psikologjike dy fëmijët e tij të mitur, XH.H, 12 vjeç  dhe M.H, 7 vjeç, ndaj të cilëve ditën e djeshme, është plotësuar edhe kërkesë-padia, për lëshimin e urdhrit të  mbrojtjes së  menjëhershme. 

Ja njoftimi i policisë
Keqtrajton dhe ushtron dhunë fizike e psikologjike, ndaj dy fëmijëve të tij të mitur. Arrestohet në flagrancë nga Policia.
Më datë 28.06.2016, Specialistët e Seksionit për Krimet, bënë kapjen dhe arrestimin në flagrancë të shtetasit :
Arben Hajdinllari, 50 vjeç, banues në Korçë (me precedent të mëparshëm penal për veprën “Dhuna në Familje”)
Arrestimi i tij u bë pasi, dyshohet se ky shtetas ka keqtrajtuar në banesën e tij, si edhe ka ushtruar dhunë fizike e psikologjike ndaj dy fëmijëve të tij të mitur, shtetases XH.H, 12 vjeç  dhe shtetasit M.H, 7 vjeç, ndaj të cilëve ditën e djeshme, është plotësuar edhe kërkesë-padia, për lëshimin e urdhrit të  mbrojtjes së  menjëhershme.
Materialet i  kaluan Prokurorisë të Rrethit Gjyqësor Korçë, për veprat penale: “Dhuna në familje dhe “Keqtrajtim i të miturve” parashikuar nga  nenet 130/a/1  dhe 124/b të Kodit  Penal. 


Redaksia Online
(F.T/shqiptarja.com)