Babai qëllon aksidentalisht me armë
qitjeje të birin, humb jetën 14-vjeçari 

Një baba ka qëlluar aksidentalisht djalin e tij adoleshent me një armë qitjeje, duke e lënë të vdekur në vend.

William Brumpy, 64 vjeç, po i mburrej djalit për sigurinë e lartë të armës kur pa dashje ka shkrepur armën duke vrarë 14-vjeçarin.

Ngjarja e rëndë ka ndodhur në Florida në prani të vëllait 24 vjeç dhe motrës 12 vjeç. Stephan Brumpy është dërguar në spital por ka qënë e kotë pasi djali ka ndërruar jetë menjëherë pas të shtënës.
 
Pas ngjarjes e jëma, Elizabeth ka postuar një foto të djalit të saj të vdekur me mesazhin: ‘’Nuk kam fjalë’’. Familja ka hapur gjithashtu një faqe GoFundMe ku kërkon ndihmë për mbulimet e shpenzimeve. 






Redaksia Online 
(xh.k/shqiptarja.com)