POP 5

Lajmet më të lexuara të 5 minutave të fundit

Bota

Baglioni kundër politikave për emigrantët: Qeveri mëkatare, ndjehem i mposhtur! Salvini: Këndo se të kalon!

Politika dhe shoqëria jonë është mëkatare! Kanë qenë këto fjalët e drejtorit artistik të festivalit të 69 të Sanremos, Claudio Balioni në konferencën për shtyp përpara gazetarëve, i pyetur për vendimt e qeverisë ndaj çështjes së emigrantëve.

Çështja e emigrantëve libianë që qëndruan në det të hapur prej 17 ditësh për shkak të mbylljes së porteve, ka sjellë reagimin e një prej artistëve më të mëdhenj në Itali.

Claudio Balioni, drejtori artistik i festivalit të 69 të Sanremos, duke iu përgjigjur pyetjes së drejtpërdrejtë të një gazetari se ç'mendim ka mbi çështjen e 49 emigrantëve të anijes humanitare Sea Ëatch që për 18 ditë me radhë u endën në det të hapur pasi asnjë vend europian nuk i hapte portet, kantautori Claudio Baglioni tha se "si mund të mendosh të zgjidhësh këtë situatë të miliona njerëzve në lëvizje duke ndaluar zbarkimin e 40-50 personave. Në konferencën për shtyp para gazetarëve ndër të tjera artisti është shprehur: Ndjehem i turpëruar. Vendi ynë po sillet tmerrësisht keq e me kaq mllef ndaj çdo jete të pafat, të pakëndshme, o ndaj dhe një miku, madje duke dyshuar dhe në hijen tonë."

"Klasa jonë politike, opinioni publik po mëkatojnë në mënyrë dramatike. Besoj, tha Baglioni, se masat e ndërmarra nga kjo qeveri, nuk janë absolutisht të drejta në zgjidhjen e kësaj situate. E për t'u kthyer tek Festivali i Sanremos jemi të interesuar të krijojmë një sens të ri harmonia, pasi vendi ynë është seriozisht i hutuar, pothuajse i verbër në drejtimin që duhet të marrë."

Ndaj deklaratave të drejtorit artistik të festivalit të 69 të sanremos, nuk ka munguar dhe reagimi i Ministrit të Brendshëm Matteo Salvini. "Baglioni këndo më mirë se të kalon. Me sigurinë, emigracionin e terrorizmin merret ai që ka të drejtën e detyrën për ta bërë", ka deklaruar Ministri i Brendshëm e zëvendëskryeministrit Matteo Salvini.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça