Balla: Ja vendimi, Zagani heroi
i PD u dënua me formë të prerë

Taulant Balla  ka  publikuar dokumentat  të cilat tregojnë qartë se Dritan Zagani është dënuar me vendim të formës së prerë “në emër të Republikës". Ai ka bërë thirrje Lulzim Bashës që ta mbyll këtë çështje.

Këto vendimet janë publikuar nga Report TV dhe Shqiptarja.com  ditën e sotme, ndërkohë dhe Balla ka po të njëjtat dokumenta që tregojnë se Zagani është dënuar me vendim të formës së prerë nga Gjykata e Vlorës.

Njoftimi i plotë i Taulant Ballës:

E ftoj miqësisht Lulzim Bashën dhe Partinë Demokratike të heqë dorë nga heroi i tyre mediatik Dritan Zagani.Nuk mundet që partia kryesore e opozitës të ketë hero një të dënuar me Vendim të formës së prerë “Në emër të Republikës” me 3 vite burgim

Shikojeni vendimin!

Nuk pres që Lulzimi Basha dhe as PD të kërkojë ndjesë. Sepse siç thashë në mëngjes, të gënjejë është e vetmja punë që Lulzim Basha di të bëjë më mirë.

Por të betohesh për drejtësi mbi fjalët e një personi të arrestuar nga Gjykata e Krimeve të Rënda, bazuar në kërkesën e Prokurorisë së Krimeve të Rënda që në hetimin e saj ka konstatuar krimin e dekonspirimit (për llogari të një grupi trafikantësh) të një operacioni antitrafik të Policisë së Shtetit dhe më pas i dënuar nga Gjykata për largim nga vendi i qëndrimit të detyruar, kjo nuk është vetëm qesharake, por është shembulli më i qartë ku ka degraduar “vizioni” i PD për drejtësinë”.

E mbyllim këtu këtë debat, Lulëzim!

(Dokumentat  e publikuara nga Taulant Balla në Facebook)

Redaksia Online
N.M/Shqiptarja.com