Agjencia e Bashkimit Europian kundër Drogës (EMCDDA) ka kërkuar projekte të përbashkëta me Shqipërinë në luftën kundër drogës dhe përmirësimin e kuadrit ligjor.
Kjo është bërë e ditur në takimin që ministri i Brendshëm Taulant Balla zhvilloi sot me Drejtorin e Agjencisë së Bashkimit Europian kundër Drogës (EMCDDA), Alexis Goosdeel.
“EMCDDA po mbështet Shqipërinë ngritjen e Observatorit Kombëtar të Drogave dhe Sistemit të Paralajmërimit të Hershëm”, theksoi ministri Balla pas takimit.
![]()
Operacionet kombëtare kundër shpërndarësve të lëndëve narkotike pranë shkollave dhe në komunitetet kanë çuar në arrestimin e 1242 personave dhe sekuestrimin e sasive të mëdha të lëndëve narkotike.
Ndërkohë, Policia e Shtetit po vijon çdo ditë goditjen e tentativave për kultivim të kanabisit, në kuadër të operacionit kombëtar “Territori i Pastër”, e vetëm gjatë muajit maj janë asgjësuar mbi 42 mijë bimë narkotike.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)