“Policia nuk ka asnjë fakt për armë të ftohta dhe nuk ka asnjë arsye për të arrestuar qytetarët. Policia dhunoi pa arsye qytetarët, policia paguhet nga taksat e qytetarëve. Është turp që deputetja u dhunua, është turp dhunimi i qytetarëve. Mazhoranca nuk njeh as zgjedhje dhe as protesta dhe kjo është shkelje e kushtetutës, ndërsa PD kishte si qëllim të mbronte Kushtetutën dhe nuk ka kthim mbrapa”, u shpreh Balliu.
I pyetur për flakadanët deputeti i PD u shpreh se në parlament nuk ka maturi politike nga ana e maxhorancës. Balliu tha në Report Tv se ka denoncuar disa përfaqësues të policisë së shtetit për lidhje me krimin dhe nuk kam marrë asnjë përgjigje nga strukturat përkatëse.
“Kryeministri mori rolin e kryetarit të Kuvendit, Berisha kishte marrë fjalën dhe ky i bëri shenjë kryegardistit që ta bllokonte. Ky ishte provokimi i pari dhe më i rëndë i maxhorancës, pasi nuk mund t’ja heqin fjalën Berishës”, tha Balliu.
“Nuk mund të presim gjithçka nga ambasadorët por duhet të bëjmë punën tonë duke denoncuar çdo shkelje dhe parregullsi. Për sa i përket takimit Basha-Lu, kjo tregon që ka dialog dhe këshillim me ndërkombëtarët, sidomos me SHBA dhe BE”, vijon deputeti i PD në Pogradec.
“Pjesëmarrja ishte e kënaqshme, patëm vetëm 24 orë kohë për organizimin dhe mbështetja është në rritje, fryma e njerëzve është në rritje kundra qeverisë”, u shpreh balliu.
Er.K/Shqiptarja.com
![](https://www.shqiptarja.com/template/img/sh_logo1.png)