POP 5

Lajmet më të lexuara të 5 minutave të fundit

Sport

Ballkani do kalimin e grupeve, sot pret me stadiumin plot turqit e Sivaspor! Trajneri Daja: Do jetë më e vështirë se fitorja e parë

Me një stadium të mbushur plot e përplot në Prishtinë Ballkani i Suharekës do të luajë sonte ndeshjen e kthimit kundër Sivaspor për grupet e Conference League. Trajneri Daja thotë se do jetë një 90 minutësh Akoma më delikat se ai në Turqi një javë më parë, ndërsa futbollisti Qëndrim Zyba thotë se forca e ekipit vjen për shkak se kundërshtarët i nënvlerësojnë.

Skuadra e vetme shqiptare në Europë, Ballkani i Kosovës, do të luajë sonte një sfidë delikatë për xhiron e katërt të fazës së grupeve në Conference League kundër Sivasporit. Të besuarit e Ilir Dajës do futen në fushë me qëllimin e njëjtë si një javë më parë kur arritën të shkruanin historinë dhe të merrnin një fitore 3-4 në Turqi.

Të katër skuadrat në grup, bashkë me Sllavia Pragën dhe CFR Cluj janë me në kuotën e katër pikëve, ndaj stadium ‘Fadil Vokrri’ në mbrëmjen e sotme do jenë në kapacitetin maksimal. Mbi 13 mijë e 500 bileta janë shitur për ndeshjen.

“Mbushja e stadiumit rrit pritshmërinë që kanë tifozët jo vetëm në stadium, por edhe ata që na ndjekin nëpërmjet televizorit. Përgjegjësia tani për ne është edhe më e madhe. Presim që do jetë një ndeshje akomë më e vështirë se e para edhe për faktin se vijnë nga një fitore në kampionatin vendas,”-u shpreh Ilir Daja, trajner i Ballkanit.

“Unë shpresoj që ta nënvlerësojnë në ndeshjet në vazhdim sepse është në të mirën tonë. Na kanë nënvlerësuar edhe ndeshjet e kaluara, por kemi parë se jemi shumë të afërt me ta, por në disa raste edhe më të mirë,”-tha Qëndrim Zyba, futbollist i Ballkanit.

Sa i përket trajnerit Daja ai refuzoi që ti përgjigjej pyetjes në lidhje me afrimin te kombëtarja shqiptare, ndërsa ndeshja Ballkani-Sivaspor do të nisë nga ora 21:00.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça