POP 5

Lajmet më të lexuara të 5 minutave të fundit

Bota

Balona kineze mbi qiejt e SHBA-ve, zyrtarët amerikanë: Brenda saj kishte antena që mblidhnin informacione të klasifikuara

Një balonë kineze e vëzhgimit që SHBA-ja e rrëzoi këtë javë ishte në gjendje të mblidhte sinjale komunikimi, ka thënë një zyrtar amerikan.

Balona kineze mbi qiejt e SHBA-ve, zyrtarët amerikanë: Brenda saj kishte antena që mblidhnin informacione të klasifikuara

Balona kineze mbi qiejt e SHBA-ve

Një balonë kineze e vëzhgimit që SHBA-ja e rrëzoi këtë javë ishte në gjendje të mblidhte sinjale komunikimi, ka thënë një zyrtar amerikan. Ajo ishte e pajisur me antena të shumta të afta për të mbledhur informacion të klasifikuar, tha një zyrtar i lartë i Departamentit të Shtetit në një konferencë përmbledhëse.

Të enjten, ligjvënësit amerikanë miratuan një rezolutë jodetyruese që dënon Kinën për balonën. Kina ka mohuar se balona është përdorur për qëllime spiunazhi. Sipas tyre, ka qenë një pajisje moti e humbur.

SHBA, megjithatë, beson se balona është pjesë e një flote më të gjerë balonash vëzhgimi që janë shtrirë në pesë kontinente.

Ligjvënësit e Dhomës së Përfaqësuesve e quajtën balonën një "shkelje të pacipë të sovranitetit të Shteteve të Bashkuara" pasi organi votoi 419 vota pro dhe 0 kundër, të enjten në mëngjes për të dënuar përdorimin e saj.

Shfaqja e saj në hapësirën ajrore të SHBA-së ka provokuar një krizë diplomatike dhe ka bërë që Sekretari amerikan i Shtetit Antony Blinken të anulojë një udhëtim në Kinë, takimi i parë i nivelit të lartë SHBA-Kinë ndër vite. Ushtria amerikane përdori një avion luftarak për të gjuajtur balonën mbi Oqeanin Atlantik gjatë fundjavës.

Kina tha të enjten se nuk ishte në dijeni të ndonjë flote më të gjerë balonash vëzhgimi. Sipas tyre ky pretendim është pjesë e luftës së informacionit dhe opinionit publik që SHBA ka bërë ndaj Kinës, tha zëdhënësi i Ministrisë së Jashtme kineze Mao Ning.

Kina gjithashtu sulmoi presidentin amerikan Joe Biden pasi ai tha gjatë një interviste për PBS se udhëheqësi kinez Xi Jinping po përballej me probleme të mëdha.

“Këto komente ishin shumë të papërgjegjshme dhe shkelnin protokollet bazë diplomatike", tha zonja Ning.

SHBA po shqyrton marrjen e masave kundër grupeve të lidhura me qeverinë kineze që ishin të përfshirë në kontrollimin e balonës.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

A është manipuluese natyra njerëzore?

A është manipuluese natyra njerëzore?

28 Nëntor, 09:24