POP 5

Lajmet më të lexuara të 5 minutave të fundit

Sociale

‘Balona më e bukur’, fitojnë nxënësit e ‘Halit Uruçit’! Rikthehet ‘dita e balonave’ në Belsh, festa e fëmijëve 

Pas dy vjet ndërprerje nga pandemia, “Dita e Balonave” është rikthyer në Kalanë e Gradishtes në Belsh, aty ku nxënësit e shkollave 9 vjeçare festuan me muzikë dhe hynë në garë për Balonën më të Bukur, të cilën e fituan nxënësit e shkollës “Halit Uruçi’

Muzika, arti i pikturës dhe buzëqeshja e fëmijëve u bënë bashkë në ditën e Balonave në  kalanë e Gradishtes në Belsh.

Pas 2 viteve mungesë për shkak të pandemisë veç ngritjes së balonave në qiell, këtë herë u hap edhe një panair me pikturat e nxënësve.

‘Festa e balonave’ në qytetin e Belshit është një festë e kthyer tashmë në traditë pasi ajo organizohet çdo vit.

Nxënësit e shkollave të Bashkisë Belsh mblidhen së bashku në malin e Grandishtës duke ngritur balonat e tyre por edhe duke reklamuar pikturat që kanë realizuar vetë.

Nga simbolikat e paqes për botën deri tek lufta kundër Autizmit, ishin disa nga mesazhet  që u përcollën në festë.

‘Është një festë e kthyer në traditë në Bashkinë e Belshit, “Festa e Balonave” organizuar me 15 shkollat e Bashkisë. Në fakt është një rikthim i kësaj feste, e cila çdo vit e më shumë përqafohet sa vjen e më masivisht nga fëmijët e të gjithë shkollave.’- tha Tafani, kryetar i bashkisë.

Në fund organizatorët shpërndanë edhe çmime,  ku shkolla 9 vjeçare “Halit Uruçi’ në Blesh zuri vendin e parë për balonën më të mirë.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Kosova bëhet me Muze të Gjenocidit dhe Përpjekjes për Liri

Kosova bëhet me Muze të Gjenocidit dhe Përpjekjes për Liri

18 Dhjetor, 13:36