Receta

Bamje me mish nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 15 Janar, 12:01 | Përditesimi: 15 Janar, 12:03

Bamje me mish

Përbërësit:

1 kg bamje
500 gr mish të grirë ose copëza mishi
2 qepë mesatare
1 domate
2 lugë gjalpë
1 tufë majdanoz
1 gjethe dafine
Piper i kuq pluhur
Kripë, piper i zi

Përgatitja:

LEXO EDHE:
Byrek me mollë (Strudel) nga zonja Albana

Qepët e grira i kaurdisim me pak vaj ulliri derisa të zverdhen. Hedhim një lugë piper të kuq dhe mishin e grirë ose mish të prerë në copëza të vogla. Bëjmë një përzierje të mirë, e mbulojmë me kapak dhe pasi të jetë gatuar për 10 minuta në zjarr të lehtë, shtojmë kripën, piperin e zi, majdanozin e grirë hollë dhe bamjet e lara e të pastruara nga bishtat. E përziejmë gjellën me kujdes, shtojmë gjethen e dafinës, domaten e kaluar në rende ose 1 lugë pure domatesh dhe ujë të vakët sa të mbulohen bamjet. E lëmë gjellën të gatuhet në zjarr të fuqishëm dhe sapo të fillojë të marrë valë, ulim temperaturë në minimum. Gjatë zierjes nuk e përziejmë me lugë, por në rast nevoje vetëm shkundim tenxheren dhe kujdesemi që gatimi të mbetet me pak lëng, jo i thatë.

MC/Shqiptarja.com

TAG:

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com