Banka e Shqipërisë njofton se vitin e ardhshëm do të hedhë në qarkullim për herë të parë monedhën 200 lekëshe, që deri tani ka qenë në qarkullim vetëm si kartëmonedhe.

Monedha do të ketë dy forma, me tematikë 100-vjetorin e Pavarësisë dhe Nënë Terezën. Vendimi është marrë nga Këshilli Mbikëqyrës i Bankës së Shqipërisë.

BSH bën të ditur gjithashtu se vitin e ardhshëm do të hidhen në qarkullim edhe monedha të reja 100 lekëshe dhe 50 lekëshe. Përzgjedhja e modelit më të mirë të propozuar do të bëhet me komision të ngritur sipas procedurave të miratuara nga Banka e Shqipërisë për këtë qëllim.