Roma arrin fitoren e tretë radhazi në Serinë A pasi mposhti 2-0 Udinesen në transfertë. Në Dacia Arena ka qënë një ndeshje e hapur me raste për gol ndërsa verdhekuqtë shënuan në pjesën e dytë. Fillimisht ishte Cengiz Under që realizoi në minutën e 70-të dhe më pas Diego Perotti shënoi golin e dytë në fund të takimit pas një pasimi nga Nainngolan.
Bayerni i Mynihut në javën e 23-të të Bundesligës ka arritur fitoren e dhjetë radhazi pasi ka mposhtur 2-1 me përmbysje Wolfsburgun. Ishin vendasit që shënuan të parët me Didavi ndërsa përmbysja e bavarezëve do të vijë në pjesën e dytë. Fillimisht holandezi Robben humb një penallti në minutën e 56-të ndërsa 8 minuta më vonë është sulmuesi Wagner që realizon golin e barazimit pas një gjuajtje me kokë. Në kohën shtesë Robben fiton një penallti të cilën e realizon Robert Lewandowski dhe Bayerni fiton 2-1 ndaj Wolfsburg. Bavarezët kryesojnë me 59 pikë 21 pikë më shumë se Leverkusen i vendit të dytë.
d.b/shqiptarja.com